迎月2009

今年中秋好多月餅食,三叔三嬸一早搵朋友帶來之美心月餅,晨早比我地食晒,跟住阿媽托表姐帶來之紅豆月餅, 仲有自己係星球買既冰皮月餅,係屋企對面個商場每年中秋都有好多檔賣月餅,有好多星球牌子,仲有HK既美心,榮華, 大班,最後我決定買大班,因為我想食冰皮,仲有想食UNA介紹既榴槤月餅。

點左老公食lunch去幫我買，放工返到屋企，我第一時間叫老公將個月餅放冰箱，老公答我＂唔記得攞走，留左係office個冰箱"

今日係Friday,無理由星期一先攞番架？結果我地食飽晚飯就返公司攞番個餅，順便上去參觀下office。

小明最開心，之前成日都問爸爸係邊到返工？依家有機會上去睇下了。