Very Very Very HOT Day

嘩, 今個月熱到你呀.

一出街即流汗, 推住架BB車送小明返學, 無手抺汗, D汗不停咁滴落黎.

係街上就好似入左個大焗爐咁, 上面個太陽曬住, 地面D熱氣又谷上黎. 總之超辛苦啦.

今日送左小明返學, 經過大排檔, 見到有間新開既果汁店, 走入去買杯"木瓜奶"飲吓啦.

有3個店員, 我前面得一個客人, 我都等左成十分鐘, 整嘜咁鬼耐架.

係條街到等好熱架嘛.

杯野超.......難飲, 都唔係用鮮奶既, 用.....荳奶.

返到屋企, 成身濕晒. 做完運動都無咁多汗.

二哥打電話黎問吓近況, 香港落雨落足一星期, 星球有無雨?

無喎, 熱到癲左.

話口未完, 一收線, 即烏雲密佈, 下起大雨來.

都好呀, 落吓雨無咁熱.