曼谷行(一)

由於我地係買平機票, 所以我地要去budget terminal上機, 其實都幾好, 又少人又快手. 睇下張boarding pass 幾"咩"....成張收據咁.

你睇小明出發時都無咩異樣, 所以比佢過到海關.

估唔到入閘後都好多野啱小朋友玩喎.

去到BKK 機場, 第一時間BOOK架車去酒店先.

CHECK-IN後去左酒店對面食泰國菜, 間酒店位置一流, 但房內就麻麻地, 其實FOR一些年青人來真係無問題既. 我地呢D帶埋細路既就.........

除左呢兩個餸, 我地仲叫左個波羅炒飯比小明食少少, 點知佢真係一點胃口都無, 唔肯食. 我本來仲有好多野想ORDER, 好彩老公制止我, 話BOOK左18:30食法國菜, 當時都成15:00, 食到咁飽, 晚餐真係食唔落.

我地18:30就到達餐廳, 每台都有呢個"立"燭, 好有情調好浪漫架嘛, 點知小明無啦啦唱完支生日歌就同我地吹左去. 佢仲叻到識叫人地幫佢點番, 不過轉頭又比佢吹左, 之後人地都無再點.

BOOK之前旦媽有問過我怕唔怕帶細路去唔太好? 驚嘈親人地, 我份人太自私, 無理過呢個POINT, BOOK時講明帶細路黎嘛, 唔得要出聲喎. 好似日本有D餐廳門口寫明唔比帶細路嘛.

去到都無咩人幫襯, 真好彩, 得幾台客仔, 大部份都香港人添.

旅遊書介紹個SET有九道菜, 點解我數黎數去都係得八樣? 唔通麵包都當一樣?

呢SET係老公既. 

呢SET係我既. 我想講右面向下數第三張相係我既主菜, 個牛扒好好食.唔好睇份量少少, 我食到一半已經好飽. 可能我未見過世面, 我覺得咁既價錢好抵喎.

呢杯飲品都只係100baths, 抵到爛, 大快活既價錢.

是晚本來都無咩既, 中午老公出左去按摩, 夜晚到我去, 點知我返黎就發生小明不食藥事件..........唉.........都係我唔好. 做人阿媽點可以咁貪玩?