牛一

呢日係小妹我農曆生日，一起身第一時間叫小明同我講聲Happy Birthday先，諗住同佢係屋企Hea吓就換衫返學，點知醒目既小明可能知我今日心情靚，竟要求去食茶餐廳。又好，叫個早餐賀一賀先。

呢到唔似ＨＫ既Ａ，Ｂ，Ｃ餐有好多野食，將ＨＫ既餐一分為二，即係一係要腸仔／火腿煎蛋，一係要通粉／麵，再加杯野飲。而杯野飲係只可以選咖啡／奶茶／中國茶。如要檸檬茶係要加錢既，另外凍飲都係要加錢既(正常，不過加SD0.8=HK4)

因為我湊完小明返學就去食lunch,所以我叫左一個餐比佢食算。

見到呢張相，我即刻諗起。。。。。四月，小明用左你個pose.哈哈。 

Lunch, 我一個人去左食印度野，黎左咁耐一次都未食過，反而以前係日本都食過幾次。買左本過期飲食男女，介紹印度野，即刻搵間食吓。

拿，我最怕熱，一定要搵間有冷氣。

其實都幾好食，不過仲貴過係日本食，咁奇怪。點計都應該星球多印度人架？

接左小明放學就返屋企洗白白換衫去街街，同小明坐巴士出城搵老公，之後一齊去新開既商場ＩＯＮ，聽Una講係新鴻基起，唔怪之咁有親切感啦。

我地專程去幫襯Ricky san開既板長壽司，終於食番有少少水準既壽司。

小明咁開心，係因為有佢最鍾意既薑食。

ＭＲＴ入口，有少少似六本木站個feel。

臨走入左Miu Miu睇野，行左未夠一圈就比小明走入黎挖我走，唉。你老豆派你入黎架？好彩無咩睇啱啫。