八月遊KL-有驚無險

話說去食日本餐那晚, 我地泊車後便去那商場行左一陣, 間商場都好正, 有好多名店, 好多餐廳, 又有Food Hall, 又新又乾淨, 行得好舒服.

我地行完, 食飽再行多一陣, 差不多十點鐘, 好多店舖都關門, 我地亦落停車場攞車.

由於停車場好大, 又好多出入口, 都唔記架車泊左係邊?

當我同小明努力尋找架車時, ,老公忽然一句.......

"條車匙呢?,,,,,係唔係你度?"

我: 唔係呀, 你都無比我.

老: 唔通坐係餐廳時跌左.

我: 咁快D番上去啦, 人地關門架喇.

我老公一邊跑起, 我就拖住小明一邊追.

我一路個心就係到諗, "無左條匙, 搵得番架車都開唔到架, 咁點返星球呢? 坐飛機定坐直通巴好呢? 報警都要有D手續喎, 可能要住多一, 兩日, 酒店唔知有無房呢? 小明夠唔夠奶粉頂多幾日呢? 咁架車點樣運番星球呢?

一路諗之際......

老公跑左去架車到, 佢搵到架車喇........

原來條車匙一路都係架車到, 佢忘記取出車匙.

虛驚一場, 好彩咋. 真係要Thanks GOD ar.