一個星期既School Holidays

剛過去那一個星期係星球既school holidays, 無理那肺放咩假? 真奇怪.

每日無左3小時自由時間, 同小明一齊做咩好?

有諗過同佢坐巴士出城搵老公食LUNCH, 九月一號 teacher Day放假時帶過佢出一次, 嘩, 一落車見到爸爸唔夠3分鐘就嗌要返屋企, 玩晒野咁.

有諗過同佢落樓下打藍球, 不過個波漏晒氣, 我又唔識為佢打打氣.

結果係星期一無出街, 星期二帶佢外出食lunch, 條友仔行兩步又嗌攰.

星期三, 見佢咁攰, 咪出街喇, 留係屋企啦.

星期三下午, 阿救星打黎問我C得未? 未C得就相約明天食個lunch,

見救星係到, 小明會好少少, 無咁扭, 帶小明出吓去, 我都要抖吓氣.

救星帶左我去食日本野, 好耐無食好味既野喇.

3個人叫左3個sets, 幾瘋狂, 小明我地都預佢1 sets.

好好味, 所以清晒.

真係日本人落手燒架.

想見邊個咁好打救我? 就係..........佢喇. (小明揸機影架), 嘻嘻. 無出樣, 唔好嬲唖.

食完LUNCH, 我地又去左Isetan超市行一陣, 小明係咁試食人地D日本水果, 幾識食.

跟住救星又帶我去食榴槤pancake. 嘩, 好味, 不過勁飽.

其實食完個lunch, 小明已不停叫住要返屋企, 之後我地坐巴士返屋企, 你坐唔夠2個站已經瞓左, (好彩有位坐), 坐車前十分鐘開始叫醒佢, 幾驚險, 佢唔醒我落唔到車架.因為我買左一大袋野, 我已經唔可以單手抱佢了.

到左星期五, 起身同佢去Mcdonld食個全餐, 再去商場玩免費食錢怪, 再行一陣超市, 嘆杯雪糕便返歸. 返到屋企十二點都未夠, 呢半日點過好哩?

落樓下游水囉, 我好怕一個人帶佢落去游水, 我又唔識游水, 呢到D泳池又無救生員, 有咩事都唔知點算? 好彩知佢依家唔太敢走好出, 唔似D鬼仔咁, 唔理三七廿一就飛落水.

終於過完呢個school holidays, 下一個school holidays係十一月中, 放成個半月, 點算?