~~~有感而發~~

今日睇電視見到一間學校用食品吸引學生去日日交齊功課,我知道係香港可能有好多人覺得咁好似唔係幾好~總覺得好似一買一賣,物質主意咁~但係我又覺得幾好~呢個世界根本就係有工自然有勞~你唔番工何來有人工呢?無人工又何來有得食呢?現今社會小朋友都受家長愛錫,有D更錫得過份~要乜比乜,有時眼見有小朋友身上用既電話一個都好幾千蚊,科技新到仲利害過我地搵緊錢既大人,名牌更不用講,一個小學生都可以用緊四五百既袋~中一生更用LV,仲可能唔止一個~家長日夜為工作煩~小時間理小朋友搵到錢既家長更令願用金錢代替比仔女既時間,但一D低收入既家庭真真想食都好艱難,有些小朋友好生性,力爭上游為自己日後可以比好生活父母努力讀書,但他們總要生活總要食飯~無善心人同社會幫助有些真係可能食都成一個問題,有些有錢或小康之家既小朋友,家庭負擔到,物質供應不盡,金錢供應,一句唔想食就掉了便算~更不明白世事每一樣事,都係得來不易~學校早早就好教懂這小小年紀的小朋友,世界無不勞而獲既事,有~都只係好彩~ 想有要求前~請負出這一個道理應該早早要他們明白,總好過他們有的就每天都浪費~想要的人就得不到,我既家庭從小開始都係出自一個窮之家~一人工作養多人果種,好細個想要什麼都只得個想字~當得到一個心頭好時~真真會好好愛惜,小至一支公仔筆都視為寶物一樣,因為從小家人就教導真惜這兩個字~唔單止講,行動上更做出,唔係我要D咩就會買,想買野~可以~~拿一百分回來就買比你果種,呢個舉動細個時真係好討厭何解買支筆都要搞得咁辛苦,但人大了就明點解要咁對我,最少真能讓我明白呢個世界真係好現實~

睇完呢晚電視我好想做一件事~我咁大個人好事總好似無咩做過,打工時每每只諗錢一個字~到無打工後,見日過日有錢就洗錢,用都係用係無謂事上,善事真真好小出心而做,好想為一D有須要既家庭減輕一下佢地沉重既負擔~~我SEND左好多封EMAIL出去比一D小學,希望可以幫佢地學校既校生做個廉價剪髮,由於學校人太多,我總不能夠一個人進行,好須要行內既人士幫手,雖然唔知會有無人幫我做呢個善事,但搵到人幫既話都不能要人家車錢都出埋,午餐都無得俾人食咖~呢D車錢同午餐錢現今家道中落老公失業中既我根本無能力負擔~所以我想出每一個學生收取$15一位~來應付呢D開支~信中好清楚咁寫明俾呢D學校睇,雖然我而家唔知佢地呢D學校會唔會接納我既意見~始終要學校借出地方同安排時間先可以做到~但最小我出了一點心意~半點便心~做唔到我都無辦法~雖然幫到既並唔多更唔可以解決到佢地D咩~都叫可以為佢地用小幾十元同小朋友剪髮吖~^^唔知成唔成功呢~~