最近~~

好一段時候都無寫下野咯~最近比較唔得閒~一黎個女多左野玩~帶出帶入,二黎個仔又好得搞~~玩到我都無咩時間去寫下blog~~最近幫個女參加左女童軍~最初一話同佢報名佢又呢又路唔肯玩,一陣又話怕辛苦,一陣又話想學畫公仔~但我同家姐傾過最好既就係比佢玩童軍,因為個女實在太懶喇~書又唔願讀,學埋d同學仔唔好既野就多,眼光總不望遠一點,能玩一下女童軍對佢身心都係好一點~講左好耐佢先肯免為其難咁話去~~ 最好笑既係佢玩左兩次之後好似開似鐘意左,最小會緊張一下幾時要番,同去做d咩吖~希望玩得耐左佢明白既野會更多~做事會進取一點啦~讀書好唔好我都唔太迫佢喇~佢真真唔係讀書既材料,但願佢唔好學壞品格好,我就安樂喇~而家佢都叻左,見到細佬搞挀振既時候女女都會幫下手同細佬玩下~同讓下細佬,好過早排咩都恰住細佬果陣~~哈哈~反而細佬而家好衰,成日蝦個家姐要家姐同佢玩,就佢~希望細佬再大一點會好教d啦~而家姐肯用心讀書就好喇~~

老公呢排d生意開始多,日日都早出晚回~做到訓既時間都唔多~相對地我都唔得閒左~又要幫佢跟單,又要照顧小朋友做家務~而家仲要加多樣,搞緊搬屋,黎緊呢個月都有排唔得閒~到9 月又要幫仔仔搵學校入讀幼稚園~而家都唔知讀邊間好~又知正確係搬去邊~都幾煩~快d知搬去邊就好喇~好多難題都解決到喇~~其實本來唔會搬得咁急既~但屋企家中人搞到有點唔開心,而個問題係由一個已經搬離呢間屋有成十年既人引起咖~而且呢個問題都唔係第一日發生咖喇~只係之前屋企無幾何有小朋友係度而影響唔大咖姐~但而家兩個小朋友係度住~我唔理都唔得啦~而個問題都唔係我同我老公可以解決得到既事黎咖喇~咁唯有我地一家四口搵地方搬好過啦~總好過為一點解決唔到既事而日嘈夜嘈,又怕嚇親小朋友~希望快d搞掂就好喇~