西貢編...<<第七頁>>

西貢住既日子真係好似退左休咁,不愁食不愁住,見日過日,我都有搵過工做,而且我升左師傅,係我係髮型界既令一個起步,初做師傅既我好辛苦搵錢更唔多,得五千蚊低,過低先有佣分,每日由西貢坐車出去食飯買煙既錢,最小都要一百蚊一日,新仔始終生手,成日都倅客人鬧話我剪得唔好,我個樣又生得細個,話我似十六七歲,有D客我一行埋去就話我似洗頭多,唔俾我剪,更難聽既說話我都聽過,好難受.....結果升師傅後第一份工我做左一個月都無就走左,又再日日係西貢無所事事

酒家一向都只係開下午11:00至3:00再到夜晚6:00至10:00生意一向都係平平,試過佢媽咪鋪頭生意唔好連幾百蚊都唔俾男友既時候,我地連公仔麵既錢都無,我唔敢再問爸攞錢,怕佢擔心我,唯有問朋友借,後來我同男友跟佢媽咪傾比個上午我地做,搵番多小都好吖,反正都係無人做姐,我地只係買奶茶咖啡同三文治公仔麵,跟本唔會用到佢地其他野,貨我地自己買,佢媽咪答應我地,男友就問佢姑媽借左幾千蚊買貨,同問左佢做茶餐廳既朋友教我地點沖茶同咖啡,之後我地就開檔,每天我地一早五點半左右就到鋪打點做生意,頭個多星期沖出黎既茶同咖啡都係我地自己飲,再唔係就留俾佢媽咪賣,食物都係自己食多,都無人知我地有早餐賣,日日落到去坐同企=.=悶到呢....過左一段時間開始有人知我地做早市喇,但黎食野既人唔多,我地做左差唔多兩個月最多錢果日都係得一百蚊唔夠,心都灰埋,搞搞下都無心機做,開6:00好多時成7~8點先落到去,後黎我地無再做咯~~生活又過番早前一樣,男友有一星期都有四五日落鋪幫手,到夜晚我地又係無野做,成日都叫朋友入黎燒野食,再唔係又出去正光十色高叫狂歡既迷幻派對,再唔係酒吧或者卡拉ok,值到過年時,佢媽咪叫我地一齊係鋪頭做奶茶咖啡,公仔麵等...因為鋪頭近住車公,果頭一到新年就有好多人黎拜神,話貨佢出,扣除成本兩份分,原因係我地識沖咖啡奶茶,而佢唔識,如果唔係唔會有咁著數,我地由年廿八夜晚就開始做,天氣好凍,好凍,真係好辛苦,做到半夜三點幾先走,第二日又再一早落去做,一切都好正常,但我總覺得我同男友工作都比佢地多,佢地兩人都好似行行企企咁,不過呢點都算喇,做多又唔會死,有錢就可以喇,我心真係咁諗,年初一果日,男友要番姑媽到拜年,好正常問佢媽咪攞工錢啦,佢之前做咁耐野跟本無一個月係出足人工比男友,但她竟說無.....咁唯有叫佢係呢幾日搵到既錢分住一d出黎比我地先啦,我好記得佢比左千五蚊我地,但我更記得由年廿八到年初一下午為止,搵回來既錢無一萬都八千,點解會得千五咁小呢?問她,她說遲d再計....咁我地無再詔問落去出去拜年啦,到年初六既晚上,我地再叫她分錢,因為我地真係要用錢,佢地比多一千蚊我地,哈哈,話我地係分得咁多,但我好肯定由年廿八至年初六收檔後,用出既貨加埋我地親手沖既奶茶咖啡,所有既收係超過兩萬,佢買回來既貨更係我地一手買回來用左都不夠三千五(奶茶咖啡係我地之前做早市買落既貨)咁我地點止應得全數二千五呢?我兩真的做得有血有汗,男友多月人工都沒有喇,現在辛辛苦苦做的都無??咁不如一早同我地講幫佢打工,比份人工我算好過啦,本應我地係一早說好做到年初九,但我地決定唔會再落去,反正都係有種比人呃既心態,加上呢件事之前男友都跟她媽咪發生了好多唔開心既事,她叫男友幫她問朋友借錢,又試過叫男友到銀行借左好幾萬,當然她一蚊都無還過,銀行條數全都由男友爸還清,更試過叫我問人借,當然我無咁做到,我同男友商量,不如搬到我家,方便日後搵工車錢又不用咁多,再這樣下去我兩更做不成人,我打電話俾爸同佢商量我兩一起搬回家住的事.爸一口就答應我,更叫左個朋友幫我地車d野走,朋友話要過兩日先可以,我地唯有人先走回青衣,其他物品過兩日才拿啦,年初七一早佢媽咪就拍我地門叫我地落去開鋪,男友同她講,唔會再開.其實之前一晚都同佢講左咖喇,唔知點解佢又走黎叫我地落去,佢見男友話唔落,好好笑走到我身旁叫我落去夠鐘出門,我望著男友呆左,男友即說,我唔落佢都唔會落咖啦,你地自己做咪得囉,佢媽咪好快就答佢,我識沖奶茶咖啡就唔洗叫你地啦,果然不出我所料 ~ 佢媽咪知道我地為咩而唔落鋪,更知我地明玩起佢,我個人就係咁,每一樣野都會有一個代價,比左個價我就一定要做,做唔到我就唔會再為你,心果句如果佢一早係同我地講幫手而唔係分一半比我地,我敢講,我會幫,就算比兩百蚊一日,我都幫,但佢既行為真真令我覺得,佢好似係食更我地一樣,老實講,男友常掛在口邊,佢呢位親生媽咪咁多年黎每年都見唔到五次,過時節,生日更無收過佢一份禮物同行是,真真未滿月就掉下佢走了~同佢既母子情可謂零,只知佢係媽咪囉,而我呢段時間睇,呢位媽咪都係利用個仔幫佢做鋪頭工作,一個唔洗點俾錢既仲平過大陸人平價工人,我地住果度,佢媽咪張一間屋仔租左俾一班做賭既人開檔,而呢一位媽咪可以叫自己個親生仔做天文台既時候,可想而知呢個媽咪有既愛自己個仔,仲要張個仔每次做天文台得到既五佰大元自己袋,好野,跟本佢就唔佩做人媽咪,我真覺我叫男友搬走一點都沒錯,話說回來,年初七既下午,我兩就坐車回我家住,過左兩日我地同朋友一齊回到西貢搬野走,佢媽咪問男友,你搬呀?以後都唔番黎?男友話係......我地就係咁搬離左呢個退休生活既世外桃源........往後既日子我地為生活為家庭捱得更辛苦....但一切我都覺得好開心好值得.....因為我真的好愛他