網誌清單

編輯 關閉
網誌分類:阿四留言 |
網誌日期:2008-10-06 15:38

這個星期又忙得不可開交,一直沒有更新網誌,不是沒有時間寫,是不懂得如何寫

 

大家都知哥基毛仔在10月1日懷疑中暑,繼轉院後被發現中毒,於10月2日離開了我們。悲傷過後,肥老豆已乖乖照大家吩咐,收拾心情,重過正常生活。

 

同一時間,一件很特別的事亦在我好姊妹朋友C身上發生

 

以下我所說的,無神鬼論者看罷一定會罵我們朋友四人集體精神病發,叫我們快進青山,又或者大家會很想用科學去解釋以下一切… 沒所謂了,反正就是事實,而我是其中一名見證。

 

***************************

 

朋友C身體一向都很差,多年來她一直積極求醫,從沒放棄。直到九月中,她更被確診了絕症,可是她都沒有放棄

 

直到九月尾,朋友C開始出現不尋常的情況,她連續三晚發同一個夢,夢見已過身的親人,先人叮囑她「萬事要小心,這個病絕不尋常」。往後一個星期,她的舉動開始愈來愈古怪,朋友T由於關心朋友C的病情,所以經常在她家中作客。朋友T發現朋友C每晚都會重覆著這樣的動作:

 

先暈到,然後突然醒來,以第三者身份說話,聲稱要取朋友C的命

 

這個我們俗稱鬼上身或夢遊的情況愈來愈嚴重,由每晚一次,到每晚三次,下午都有試過發作。

 

而朋友C每次醒來,都不記得曾經發生過什麼事,只感到異常疲倦虛脫,手腳和頭腦劇烈疼痛。

 

朋友T是有宗教信仰者,他斷定這是鬼上身,就開始和這個第三者交談起來。可是朋友C每次發作的時間都很短,來來去去也是在說要取命,一直重覆著佢死,我生

 

直到9月30日,朋友T把這一切告訴了我和朋友E,我們四人一起商討究竟是真是假,是夢遊是精神病還是真的鬼上身?

 

結論:一個患了絕症的病人,頂多有抑鬱症,最差可能會自殺,應該不會有閒情逸致去一人分飾兩角玩精神分裂吧?

 

10月1-2日足足兩天,我們四人同時向各方求助,祈求一個最可靠的方法去幫助朋友C。弄得滿天神佛之後,大家都拿不下主意,只知朋友C情況愈來愈差,頭痛腳痛背脊痛頸痛,雙目開始失明,腳都差點走不動了!

 

10月2日晚,朋友C,T,E和我都決定留在朋友C家中過夜,好讓我們輪流照顧朋友C。當晚,我親眼目睹了只有戲劇裡才出現的情節…

 

朋友C發生了四次所謂鬼上身,以下是鬼與T的重點對話節錄:

 

鬼:你地做乜都冇用,我要佢死!

T:你做咩要佢死?

鬼:佢死,我生!

T:唔好咁傻啦,佢死左你都冇得生!

鬼:我自殺,投唔到胎…我冇時間!

T:拿!你唔好搞佢,我地搵人幫你啦!

 

鬼一邊講一邊淚流滿面,每次一走,都會令朋友C整個人虛脫好似剛從死亡邊緣回來一樣

 

我們立即收起全屋利器,玻璃和其他危險物品,深怕她發作起來會自殘,可是,百密一疏,朋友C單獨走進廁所刷牙時,她找到了剃鬚刀就向右手手腕割下去!!朋友T和E兩個大男人用盡了九牛二虎之力想把朋友C拉出廁所,可是兩個男人竟然被這個脆弱的朋友C反拉了一下,朋友T動怒了,一邊向空氣痛罵一邊硬把朋友C扯出來並按坐在椅上!朋友C很惡的吼出一聲「放手!」,然後又暈了。我們連忙替朋友C包紮,幸運地刀片已用了很久,一點都不利,傷口割得不深,血止了一回兒就沒有再流。

 

半夜四點,三個朋友都不敢睡覺,深怕朋友C會再自殘。我們叮囑朋友C先睡,我們會守護著她。朋友C睡了不久,索命的一下來了!朋友C突然不斷大叫好痛!我們立即衝入睡房,見她用力按著心臟位置,叫聲十分淒厲!她一邊嘶叫,朋友T一邊幫她搓著心口,我看見她的心口頸項直到面部都全充了血!當時眼看朋友C就快沒命,我急起上來就唸天主經,可是,唸頭兩句我已經開不了眼,再唸下去就雙腳發軟跪了在地上,再唸下去就連聲音都出不到了…  我只能跪在地上,隱若看見朋友T把一條紅繩掛在朋友C頸上。過了一會兒,她的痛楚沒有了,我的不安感也消失了。我們在電腦上把心經一直重覆播著,那時已是清晨五點有多,一直都沒再發生任何事,於是我早上八時許就起床回公司工作了。

 

第二日,10月3日星期五晚上,朋友T和E就陪朋友C到某中醫館覆診,與我相約好六時正在醫館門口集合。誰知,電話又來,原來朋友C在出門口前一分鐘又被昨晚突然來襲的痛楚所攻擊,朋友T又是用一條紅繩和心經去令朋友C解困。我和他們在醫館門口會面後,入內拿籌,一坐低,有兩個醫師用很不友善的眼光看著我們,令我們感到很不安。排了不到半個鐘,醫師突然召我們過去,說要早一點看朋友C。我和朋友T你一句我一句說完朋友C的病情之後,我們還把昨天朋友C自殘的事告訴了醫師,醫師拍拍身旁的大師姐,我好肯定師姐當時每個字都說得十分準確沒有差誤,我很清楚的聽到她說:

 

蛇精呀!你睇下佢對死人眼!

你對腳係咪冇晒力呢?!

 

我們都來不及消化什麼是什麼是,前方的師兄,右手邊的大師姐,左手邊打病歷的,後面派籌的,右後方我以為是病人的,一同站了起來,圍著我和朋友C,師兄拿了雨傘當棍用,叫一直呆坐著的朋友C伸直雙腿,朋友C見到雨傘後,突然變得很驚慌,淚流滿面,我靠在她的背後,被她緊緊用手拉著。當時我有一股強烈的衝動想把朋友C整個抱起挾帶私逃!但不知為何雙腳又原封不動,而我整個人都被朋友C拉到差點倒下去。

 

師兄有勁的一棒,在朋友C近膝蓋位置敲了下去,朋友C突然整個人都放鬆了,靠在我的身上,而各師兄師姐師弟師妹又歸位繼續做手頭上的工作,好像完全沒發生什麼事情一樣。

 

由於那位醫師,即師兄,還有很多症要看,所以沒有多向我們解釋發生什麼事。只知道,大約事情是這樣的:

 

朋友C和我一進中醫館,師兄和大師姐已看到有古怪東東在朋友C身上,而這隻蛇精上了朋友C的身好一段日子,已入侵了她的腦袋,控制了她的四肢,剛才一棍把蛇收了,朋友C現在疾病雖然仍然存在,但已不再是什麼大問題,不再是絕症,只要繼續服藥就可以了。師兄說,每次診金一百元正,不能多收,因為上面有人看著的哦!

 

10月4-6日一連三天,朋友C的身上再沒有古怪事情發生,沒有吃什麼吐什麼,沒有腳軟,沒有不願外出,沒有突然暈倒,沒有突然失明,四肢沒有痲痺,情緒沒有不安,說話還不知幾好中氣!現在是跳著來走路的,不知是否又被青蛙精上了身?!

 

 

***************************

 

 

這件事總叫告一段落,是事實?是老作?信不信由你!告訴大家,這件事帶給我很大的衝擊。一直信主的我,只懂唸天主經和聖母經的我,唸了十四年天主教學校的我,這幾天竟然一直在尋求其他教派的保護,到邪靈來襲時我才想起天主,慚愧地,我好肯定唸經那刻主有來過!我抵打,竟然對天主沒有足夠的信心,差點把自己和朋友都害了。這段時間,我需要好好的思考一下,希望,無論我將作出任何改變或決定都不會太遲。

引用(0)
  • 檢舉

    KIKI 2008-10-10 14:58

    好彩最後你朋友冇事~

    依d野寧可信其有.我好信架~

     

     

  • 這是私人回應
  • 這是私人回應
  • 檢舉

    毛仔 2008-10-10 01:10

    C小姐無事就好咯,我貴婦毛仔病左果時佢好幫我架
  • 檢舉

    脆脆 2008-10-10 00:44

    因為聽你又講師姐,師兄.hehe 咁多人.又派籌. 其實我朋友介紹左好多朋友起個度醫病.醫師就係佢的師傅.師傅的確好勁呢.

    呢方面既野就未聽過喇,但不過估唔到呢d 佢地都掂呢.

    檢舉

    鄺家大小姐2008-10-10 01:03

    佢話少問題果D,通常幫人搞掂算數,唔會講俾當時人知廢事嚇親佢,如你主動提出有懷疑,佢就當然立刻幫你搞喎
  • 這是私人回應
    這是私人回覆
  • 檢舉

    Bingo 2008-10-09 17:34

    真係不可思議的事情竟然會發生係C身上,現在C沒事便好了!

    檢舉

    鄺家大小姐2008-10-09 23:57

    我地估條蛇係因為貪求C小姐O既美色, 所以擇佢黎吸...

  • 檢舉

    Chelsea 2008-10-09 15:30

    希望你朋友冇事啦

    檢舉

    鄺家大小姐2008-10-09 23:57

    佢而家咪成隻青蛙咁彈跳彈跳咯
  • 檢舉

    深水埗舒米高 2008-10-08 18:18

    セ姐, 咁人地睇相佬係咁講我有好強既煞氣, d古靈精怪野唔敢埋我身姐~~~~~~~~~~有幾笑死~~~~~~~~

    檢舉

    鄺家大小姐2008-10-09 23:58

    笑死左冇命賠..
  • 檢舉

    VenusWhitleyLambor 2008-10-08 12:47

    沒事就好了~ 祝C君早日康復!!!
    檢舉

    鄺家大小姐2008-10-09 23:58

    家陣我冇咩奢求, 但求大家平平安安咋
  • 檢舉

    楊wow wow 2008-10-08 10:41

    好彩最後冇事~好驚險丫!

    檢舉

    鄺家大小姐2008-10-09 23:59

    都幾驚險嫁... 呢D野千祈唔好有下次呀...
  • 檢舉

    豆豉.鯪魚 2008-10-08 10:25

    完全無見過喎!!!
    檢舉

    鄺家大小姐2008-10-08 10:30

    因為去親你度都好食好住好玩好訓, 大小姐仲點會有投訴丫~~
  • 檢舉

    豆豉.鯪魚 2008-10-08 09:19

    我唔制!點解唔搞耐d?初頭諗住隻豬可以喺我度住多幾日,點知...眨吓眼就唔見咗隻豬隻豬咁肥,餓佢一頭半個月應該都死唔去的,放心~~
    檢舉

    鄺家大小姐2008-10-08 10:23

    大小姐: 你冇見過我餓一餐都嗌晒救命個樣咩??
  • 檢舉

    鄺家大小姐 2008-10-08 00:12

    我想在此多謝幾個朋友:

     

    (1) 莎樂: 多得莎樂呢排成日幫我托兒, 我先有時間去幫肥老豆同朋友C搞咁多野. otherwise我屋企隻豬精應該餓死左...

     

    (2) 肥老豆: 我未聽過有人咁大口氣話自己夠煞氣可以鎮住d鬼, 笑死我, but真係俾到我好大安慰, 釘橋!

     

    (3) v小姐: 釘橋你介紹fonnie同中山醫院o既人我識, fonnie好好傾, 我以後有排煩佢

     

    (4) fonnie: 你教朋友c有關spiritual的東東連我都好o岩用, 你話人一定要感恩, 我現在每次感完都好c服, 好心安理得. 仲有樣野好好笑, 你話夠用八次的精油, 上面d姐姐真係拿來煎蛋, 兩次用晒了...

  • May God bless u guys & keep u guys.....
    檢舉

    鄺家大小姐2008-10-08 00:01

    Thank you~~
  • 檢舉

    牧牧 2008-10-07 21:58

    求主保祐
    檢舉

    鄺家大小姐2008-10-08 00:01

    I believe HE heard us!

  • 檢舉

    每一天望海 2008-10-07 21:50

    有鬼呀~~~~~~~~
    檢舉

    鄺家大小姐2008-10-08 00:00

    精呀!
  • 檢舉

    小miumiu 2008-10-07 19:49

    我唔信妖言惑眾,道人迷信但我對死人眼不嬲都睇 倒
    檢舉

    鄺家大小姐2008-10-07 23:59

    死人蜘蛛精, 你就妖言惑眾! 搵日我叫屋企隻豬精過黎食晒你屋企隻馬騮精懶精d人頭獸身, 睇你仲信唔信?!
  • 檢舉

    Purin 布旦 2008-10-07 14:20

    信主既心...有時候真的會動搖啊... 因為魔鬼就是不時想要入侵嘛...

    多點祈禱... 加油啊!!

    檢舉

    鄺家大小姐2008-10-07 23:56

    魔鬼就是不時想要入侵 << 我而家就係有咁o既感覺...
  • 檢舉

    檬檬 & 晞禧 2008-10-07 09:31

    好似睇緊怪談咁. 不可思譏. 從來無想過會發生這種事, 但我相信你. 因為我都相信主, 雖然我無返教會, 心裡就是信. 唔知算唔算呢信教呢? 朋友C無事就好了. 不過最好問下她去過那裡遇過怪事. 以後也不要再去, 講出來, 讓大家也不要去. 唔好再遇這種這就好了.

    檢舉

    鄺家大小姐2008-10-07 23:56

    師兄話呢d野周街都係, 佢只係時運低唔覺意遇到...

  • 這是私人回應
    這是私人回覆
  • 檢舉

    MooMoo 2008-10-07 02:23

    我睇睇下MooMoo係度吠, 嚇左我一跳!  妳朋友無事就好啦!  妳要多多睇住佢啦!
    檢舉

    鄺家大小姐2008-10-07 23:54

    我而家諗返起都仲劣劣地...

  • 檢舉

    趙太太 2008-10-07 00:44

    我相信宗教的力量亦相信你朋友c的事,其實所有宗教都係導人向善,誰人相信那個宗教我覺得不重要,相反我覺得所有宗教其實出致同一源頭,現在的分歧其實只是每人領悟不同而慢慢顯變出各教派......

    檢舉

    鄺家大小姐2008-10-07 23:53

    係, 發生呢件事時, 有個密宗徒弟叮囑我, "千祈唔好歧視任何一個教派, 他朝你出事時, 或許就係果個教派救你"
  • 檢舉

    karkee 2008-10-06 23:58

    世事無奇不有, 我信0架!!
    檢舉

    鄺家大小姐2008-10-07 23:52

    可能我地真係集體精神病發呢!

  • 檢舉

    joyce 2008-10-06 23:42

    我係信基督教ga,細個時成日跟媽咪返教會

    但而家因要返工,放工通常好累己經好耐冇返過教會啦....

     

    檢舉

    鄺家大小姐2008-10-07 23:51

    我就係擔心屬於豬架的每個星期天會冇左...
  • 檢舉

    豆 b 豬 2008-10-06 23:06

    朋友 c 總算大步欖過, 願主繼續保佑著你, 祝 : 早日康復!
    檢舉

    鄺家大小姐2008-10-07 23:49

    朋友c家陣改名叫白素貞喎....
  • 這是私人回應
  • 這是私人回應
    這是私人回覆
  • 檢舉

    lskp33 2008-10-06 22:55

    未有時間,有我都想探下佢,希望佢冇事啦
    檢舉

    鄺家大小姐2008-10-07 23:48

    急切的問題是解決了, 病還是要醫啦.

  • sugar ma原來你都係信天主架....咁你仲有無返教會呀....

    我雖然有信仰,不過有時d野真係唔到你唔信,希望你地既師兄幫到你既朋友,以後都無事啦,而佢既病亦會慢慢痊癒....朋友c加油呀...

    檢舉

    鄺家大小姐2008-10-07 23:47

    我小學時已經想受洗, 但媽媽不支持, 長大後又冇左件事, 咁咯. 現在努力思考中... 思考中... 思考中...  多謝你都支持朋友c呀!
  • 檢舉

    ♡ 豬脾家族 ♡ 2008-10-06 22:10

    朋友 C 沒事就好了 !!  

    幫朋友 C 解困的醫館是什麼教派 ? 應該不是天主教吧 ?!

    檢舉

    鄺家大小姐2008-10-07 23:44

    好似係道教... 經過今次一役我對各大門派o既分門別類不知幾清楚, 天主教基督教佛教道教梵天教...
  • 檢舉

    脆脆 2008-10-06 21:04

    好多年前,我表弟細個時亦曾經試過無端端行唔到路.腳是軟的.原來之前佢上大陸時有些東西跟左他回家. 之後搵左一D 幫手捉X 的人去他家,收復了就好過來了.

    八掛一問,你們去的中醫館是否在佐敦??

    檢舉

    鄺家大小姐2008-10-07 23:43

    脆脆, 點解你咁鬼醒, 唔通我地去過同一個地方??
  • 檢舉

    小公主 2008-10-06 20:40

    我沒有宗教信仰的

     

    但有一些詭異的事, 會抱着寧信其有的, 不可信其無.

     

    眼前最重要是C沒事就好.

    檢舉

    鄺家大小姐2008-10-07 23:42

    c比起之前好好多喇, 但是始終唔係小病, 要慢慢搞呢
  • 檢舉

    圓方家 2008-10-06 19:39

    C無乜事啦....我好擔心......

    檢舉

    鄺家大小姐2008-10-07 23:42

    咪經常乍病唔返工咯! 你話佢有冇事丫...

  • 檢舉

    肥波 2008-10-06 17:45

    嘩,睇到心都跳快左。

    宗教真是有力量的,咁要勤力d啦。

    檢舉

    鄺家大小姐2008-10-07 23:41

    我都要勤力d...
  • 檢舉

    鄺家大小姐 2008-10-06 16:18

    聖經話,主聽得到任何一個人在任何地方以任何形式作出O既禱告,以我理解,Faith是祈禱時必須要的元素.初頭我好勇的一路唸一心係咁唸,我感覺到主的存在...

  • 檢舉

    豆豉.鯪魚 2008-10-06 16:00

    點解主有來過呢?
  • 網誌分類:鄺家大小姐 |
    網誌日期:2008-10-01 22:56
    今日我地同我們這番瓜, 豆豉鯪魚同佢地的friendfriend去南丫島登高... ...點知... ...高得滯... ...毛仔扯白旗!!   我地幫毛仔濕晒身, 對住個口噴水, 按摩, 撥涼, 都好似回唔到氣...
    回應(52) | 引用(0)
  • 網誌分類:鄺家大小姐 |
    圖片
    網誌日期:2008-10-01 00:07
    好忙呀, 阿四同我都好忙呀, 好彩仲趕得切寫週記....     星期四, 阿四去左跟姨媽學整gel甲, 佢話表姐好怕我, 所以唔帶我去...     星期五, 我去左豆豉鯪魚屋企...
    回應(8) | 引用(0)
  • 網誌分類:鄺家大小姐 |
    圖片
    網誌日期:2008-09-21 20:54
    星期六下午四時, 阿四帶左我去... 行山!!   上去果時行到我氣來氣喘呢.... 不過落黎果時就好c服咯....     星期日, 阿四又帶我去游水水~~~ 七點起身九點到西貢~ 食...
    回應(24) | 引用(0)
  • 網誌分類:鄺家大小姐 |
    網誌日期:2008-09-20 03:05
    姨丈, 婆婆, 我有冇同你地講過我唔可以跳咁多??
    回應(15) | 引用(0)
    網誌標籤:狗 比熊 jump

最新回應

編輯 關閉

最新回應

檢視所有回應
 

R H
G S
B V

#