金荷娜
我寫 XANGA 嗰陣, 都間中有寫吓荷娜o既~
但係近排又好似冇乜點特別提過~
所以好似有好多人都唔知我鍾意佢 ~!
直至今次佢嚟香港, 我走去睇佢, 大家先知~!
好!!! 希望大家多多認識呢位韓星 ~
我平日喺屋企同肥肥講起佢嗰陣會叫佢做 - 椰奶~!
唔好意思!! 呢個名係得我咁叫o既啫!
係咪好肉酸呢???
不過其實我都唔係好記得嗰陣發生咩事~~
只係記得CIE時代, Raimie佢哋話聽到佢個名叫金椰奶……
荷娜變椰奶???
真係俾佢哋激死……唔知佢哋重記唔記得呢?
查實香港o既朋友對金荷娜呢個名, 應該唔係太熟識~~
不過我就已經鍾意咗佢超過 6 年o家嘞 ~! ^_^
基本上荷娜 “所有” o既電視劇同電影我都已經睇晒!!!!
(反而慧喬有d舊o既劇我都未睇過~~)
電影
• 1998年：《再見•俊》
• 1999年：《K醫生》（港譯：靈異怪醫）
• 2000年：《同感》（港譯：愛的空間）
• 2003年：《同齡家庭教師》（港譯：我的Band5男友）
• 2003年：《冰雨》
• 2004年：《不要相信她》
• 2004年：《靈》（港譯：猙靈）
• 2006年：《青春漫畫》（港譯：情迷戇豬男）
• 2008年：《第六年戀愛中》《又譯：戀愛第六年》
• 2009年：《七級公務員》（港譯：我的女友是007）
電視劇
• 1999年：MBC《奔向陽光》
• 1999年：SBS《歡樂時光》
• 2000年：MBC《秘密》
• 2001年：SBS《鋼琴》（或譯：鋼琴別戀）
• 2002年：MBC《羅曼史》
• 2004年：SBS《玻璃花》（或譯：玻璃畫）
• 2006年：MBC《90天，相愛的時間》（或譯：戀期90天/相愛90天）
• 2008年：SBS《On Air》飾 吳承雅
由 《羅曼史》 開始, 我開始喜歡呢個演員~!
呢套劇我睇咗N咁多次~!!
係繼《藍色生死戀》後我最鐘意o既韓劇之一~!
最近期嗰套《On Air》都好好睇!!!!
除咗套劇拍得出色之外, 我睇到不一樣的荷娜 !
佢以前冇乜點做過呢d角色~! 好臭寸o既大牌明星~!
(現實生活中o既佢係好nice o既 ^_^ hahahaha)
之前有一套都係同姜生做o既《90天, 相愛的時間》喺韓國收視麻麻~~
但係我又幾鍾意喎~! 其實我覺得ok o家~! 點解收視咁差呢??
荷娜喺電影方面o既成積一向都好好~!
基本上佢好多套電影都非常賣座!!
佢o既喜劇感非常好!!
我勁鍾意睇佢演笑片~!
如果要我推介佢o既電影 ~
會係《同齡家庭教師》同《不要相信她》~!
超超超超爆笑!!!!!!
當然~! 佢同姜生o既新作《七級公務員》都好唔錯!!!
係韓國2009最賣座o既喜劇~! 大家都要多多支持!!
亦因為呢套電影 ~ 我有機會見到荷娜o既真身!!
呢個機會嚟得非常突然~! 非常驚喜~!
荷娜喺韓國人o既心目中, 應該係氣質美女~!
咁我鍾意佢嗰陣, 又唔係因為佢o既美貌o既~~~
我睇佢第一套係《羅曼史》, 佢當時o既髮型係有d搞笑~
到之後睇返佢d舊作, 就係一個長髮美人 ^_^
同埋可能佢塊面唔係勁瘦嗰d, 上鏡就會唔夠細同尖~~
所以我有時就會覺得荷娜好靚, 有時又覺得普普通通 :p
但係經過今次見過佢之後, 發現原來佢真係一個大美人 !!!!
係俾我想像中靚好多好多~!! (我一 d 都冇誇張~!)
同埋佢近年都經常以長曲髮示人, 好襯佢 !!
今次我係走咗去接佢機同睇首映~!
雖然未有機會同佢真真正正認認真真咁對話~~~
但係可以咁近距離接觸, 我已經好開心 ^_^
又起碼有向佢大聲講咗幾次: "언니 ~ 사랑해요!!"
而佢亦向我哋做咗個心心~!! so sweet :p
到睇戲嗰陣, 佢個位正正喺我後面~
但係因為佢係等開咗場先入座~
我唔好意思成日向後望~
所以只有等佢一坐低嗰陣同佢講咗句: "너무 반가워요 언니~!"
然後佢向我笑咗一笑 ^_^
睇戲嗰陣, 我不斷聽到荷娜甜美o既笑聲!!!
一直以嚟, 只會喺電視同電影聽到o既聲音~~
竟然會咁切切實實咁走進我o既耳朵之中~!
我只能夠講, 我嗰一刻, 真係覺得好幸福~!!!
有幾個位佢重拍起手上嚟tim~!
睇得非常投入, 非常開心!! me too !!!
希望可以盡快再同荷娜見面~!!
我要諗定同佢講D乜~!
佢出咗道十幾年, 都有同幾個男星傳過緋聞o既~!
《鋼琴》o既高修, 《羅曼史》o既金載沅 ~
大家好熟識o既權權, 同最近期o既姜至奐 ^_^
頭嗰2個太舊嘞 ~ 唔洗講~! 權權都已成過去, 唔想再講……
至於姜生lu喎 ~! 都係嗰句! “繼續努力啦!”
其實佢哋3年前已經合作過o家嘞~
《90天，相愛的時間》
頭先同肥肥討論過 ~ 發現大家都覺得男o既好似幾鍾意個女~
但係個女o既就好似冇咩意思……
點解會咁o家~~~~~
荷娜呀荷娜 ~~
我覺得姜生個人好似都幾唔錯呀~!
對你都好好呀~!~!!
你哋外型又咁襯!!
我相信佢會好過權權o既!!!!
忍唔住要貼吓佢同姜生o既合照~!
好鍾意呢個場景~!
話說荷娜條毛毛唔知係整住件衫定係想跌落嚟~
於是乎姜生幫佢手整 ^_^ 呵呵呵呵!!! So sweet~!!
呵呵呵呵!! 太多太多~!! 貼到我好開心~!
期待佢哋第3次合作~!!
les miserable002.jpg
les miserables001.jpg
IMGP4708_02.jpg
