投資狀，搞笑得黎有意義

段片係就係惡搞d，不過帶出左一個好重要既信息，

財富不是靠一朝一夕而來，而是要靠自己的努力拚搏，

世上係無不勞而擭既，你買了股票，贊了錢，

係財富轉移，唔係你努力得返黎，

係背後接貨果個蝕比你既，

有朝一日，你都會做返背後接貨果個，

舊錢就係得咁多，唔係入你袋就係入佢袋，

買股票同買六合彩都係一樣，

你中左頭獎，d錢邊道黎？

咪係唔中六合彩d人囉，

唔通馬會印d錢紙出黎比你咩！係咪？

我玩左股票兩年，時間唔算長，

雖然到現左為止都無乜點輸過，

但贏既都唔多，原因係乜？

因為我知到想回報多，就要乘受更高既風險，

你要知自己底線係邊，

你可以蝕幾多，就等如你可以贊幾多，

如果你一心諗住佢升就唔放，越升得多越好，

咁跌都係一樣，越跌都係越唔想放，

因為大多數人既心理就係咁，越貪心既人就越怕蝕底，

NO.8就係一個好例子，到而家都仲有人大把8號仔係手架，

另外有一種人，講乜野價值投資，仲出埋書教人，

教人地買股票唔好理升跌，越平越買，

等個市最好果時先放，個市十年後好咪十年先放囉，咁樣實無風險，

呢d人最on9，時間同風險係成正比架，

股市係凶險之地，你越長時間係入面咪越要成受更多風險囉，

你點知香港十年後變成點？你點知你投資果間公司十年係會點？

你肯定你睇得好準？

係！如果你好彩比你扑中左，十年後你會搵好多，

但如果錯呢？你哂左十年既積蓄，仲要哂多十年既光陰啊！

更加差既可能唔駛十年，五年你隻股份以經變豆零，可能破埋產執埋粒啦！

所以我既理念係，買股票，你有膽贏幾多，就要有膽輸幾多，

一定要識止蝕同止贊，同時間鬥你係無得鬥既！時間無限青春有限啊！

同樣，有最好打算都有最壞打算，凡事向好方面諗係好，但都要留返條後路比自己行，

我既最壞打算係，呢十年內中國泡末經濟大爆發，美國踩多兩腳，線動中國人民，甚應法輪功，大袋喇嘛出黎搞事，中國各地都出現動蕩，中央死性不改，重演六四事件，香港之前太依賴祖國，結果一齊進入經濟大衰退，好多人無工做無飯食，民怨日深，另外中央再次反口推遲普選時間，香港一百萬人上街遊行，結果演變成暴動，解放軍出黎震壓，香港變成一片死城，中國經濟同政治同開始陷入困境，台灣台獨主義乘機再次抬頭，並聯同日本、美國底制中國出口，向新興國家印度越南實施多項經濟政策孤立中國，北韓按捺不住出兵攻打南韓，美國日本幫南韓，結果北韓落敗，反落入美國佬手中，進一步孤立中國，由於北韓使用核武，以至死傷慘重，戰後聯合國通過法案宣布所有國家不準再發展核武及大殺傷力武器，否則所有國家將會聯合起來全面制載該國，中國軍事力量受到制抓，台獨成功，中國陷於軍事，經濟，政治，外交四難局面.......

哇！越講越恐怖...我自己都驚啊！

不過好既打算仲恐怖，聽日至講！