2009.11.08 搞掂晒

呢幾日好忙呀~ 所以都少左update
部電腦原本放主人房~
但發覺部電腦D聲會嘈到我或者老公訓~
把心一橫將部電腦放0係衣帽間~
而家間房變左書房連衣帽間!

主人房就空盪盪,得返我地張床 & 狗狗們既床!
都好既,唔洗比d電子野嘈住,應該會有好既睡眠品質!

忙執房之餘仲有忙賣車、睇車~
我地架車車終於都賣左了~~~
仲上埋架驗,上架之前我地托朋友幫我地上左兩次架~
確定真係冇問題,仲維修左幾千蚊先比新車主,我地都算係負責任既賣家啦^^

而家忙於睇新車~今日同老公傾好左只會有3個選擇!
1) 依然係我愛既 Altezza
2) 我稱之為Jazz加長版....即係Stream
3) Will VS

真係好心急買車呀,因為冇車用好唔方便~
今日係最尾一次用車車,老公突登同我去左小欖跳蚤市場行街~
買左超多野呀,我買左好多超平珠鏈~ 打算拆晒d珠珠出黎做頸鏈比狗狗們戴~
咪睇d鏈咁平,有d好新淨仲要color好sharp,影相用一流呀!
不過最開心就係買左棵聖誕樹 =p  抵抵抵!!!

同埋呢幾日Plan緊去旅行d行程呀~
我年初果陣訂左4張機票去泰國,而家開始要book酒店同埋plan行程!
老爺話想join local tour釣魚,住2間酒店!
其中一間必須係Discovery Beach Hotel,但我做旅行社個fd話呢間麻麻 = =?

唔知有邊間4-5星,under 1k一晚既酒店係ok既呢?
maybe因為年紀唔同,老爺寧願貴d都要酒店靚~
而我同老公就想酒店平d,留返d $黎shopping同食野~
事關我地平時都唔會用酒店d設施,酒店有幾靚其實對我冇意義@@"
不過去旅行就緊係"就"老人家架啦 =p 所以我地住4、5星係冇異議~

不過有樣野好嬲呀,就係netvigator提供唔到村屋上網服務比我~
話我條村爆線,冇空出黎既位置安放我條線!
咩話? 咁係咪以後搬入我條村既人都唔洗上網先?
佢仲勁爆到叫我join 屎媽通個服務,話一定做我生意&用到! 吓!!!!

搞到我而家日日用Everywhere上網,$38月費另加$18蚊一日...
已經用左一個月了.....近乎$600蚊一個月...痴線架!!
咩公司黎架? 由於舊屋用緊HKBN,老公又未有住址證明~
搞到而家HKBN未CUT到仲交緊錢....每個月要交成8舊水上網費呀...嗚...