網誌分類：喜。樂～*＊ |
Happy Birthday to me,Happy Birthday to me,
Happy Birthday to myself....da da da da da da~
妖,都幾無聊! 哈哈哈~
今日係我舊歷生日~ 不過冇特別慶祝!
因為四日前左右在客廳......
我: 老公,我30號舊歷生日呀!
我習慣每年生日都去拜神或者媽咪煮餐好野黎興祝架!
康: 哦? 30號星期幾黎架?
佢Daddy即刻入左房,之後講: 康仔,我30號要請假呀!
康望住我.......之後我話: 咁算啦,好彩我只係通知聲你,冇叫你去姐!
之後康入房話比我聽: 佢特登話比我聽佢30號要放假,叫我30號唔好放假!
OK~ That fine
佢Daddy放假,即係佢獨攬大旗係老大,即係今晚連食餐飯既時間都冇~
要睇住條街、要聽住條線、要保住d order!
好啦,今晚我決定去食餐好既! 我要去食燒蠔~haaaahaaa~
不過今日第一個同我講生日快樂果個竟然係我哥~ 估唔到個衰野咁好記性@@"
明天我都會見到呀哥~ 因為我地約左聽日12點左右去寵物展呀!
我地已經係第四年去寵物展啦~
以為今年冇玩狗網,冇免費飛入場啦,點知最終都係有~
真係要多謝晒法虎會個miki~ 我甚少出聲留言佢都預埋我一份,真係多謝晒佢呀!
講起寵物展,同康少都有段估仔架~ haha
http://hk.myblog.yahoo.com/barrycatcat/article?mid=771
寵物展,真係未出發先興奮~ 不過....................
一諗到車尾箱d炭、公仔佔晒d位,聽日再放多兩包糧都難既時候~
真係down down地,即係代表我一陣要執車 =0="
我仲要執埋d魚具,星期日去釣魚放狗,今日好似好忙咁ar!!!
我地聽日總共係8人5狗去寵物展~
我哥架車坐爆5個人1隻狗~
我地雖然架車冇坐爆,不過我地都載4隻狗,3個人,同坐爆冇分別~
我地架車聽日100%會OVER LOAD! 包括BoBo & Kit Kit + King仔 & 蕃薯~
我地會先出觀塘接蕃薯,之後去荃灣接康少媽咪,帶埋BoBo & Kit Kit去~
今次大獲啦~ 我地架車太重會刮沙板架 =="
2隻大狗100磅,2包糧100磅,佢媽咪100磅,寵物車+雜物50磅,
350磅...屎得啦....平時後面頂多座2個中等人,2個重人都刮底啦~
我今次實比康少鬧我買得多野,搞到架車over load~
我擔保佢一路渣車d刮刮聲一路響,佢一路黑面.......唯有扮睇你唔到、睇你唔到~
等我諗下聽日有冇機會過d"貨物"去我哥哥架車先~
我哥果架始終係房車,坐爆人都活動自如唔會刮底~
真係好想換車ar~~~ 真係唔抵得呀哥果架咁坐法都唔會overload...
我果架載多少少野都要諗過度過....嗚嗚.....
Mother-in-law passed away in this morning. It was sad to see her go. I am really sad and ti......
ஐU^ェ^U 我係珍文麗 GERMANYஐ 2009-07-31 11:07
HAPPY BIRTHDAY TO YOU~
去完狗展報告下收獲, 同埋好唔好行~~多唔多野買~我都想去~不過要SAT先有時間~