2009.10.21 驚喜戒指....& 結婚影相?

幾日前已經講緊話要去買戒指,但康哥仔佢成日都唔知醒起身~
搞到一推再推,推足幾日都唔去睇..........
今日又係咁,結果我忍唔住發老脾搞到佢唔返工都陪我去揀戒指!!

好在今日去睇咋,我買果隻因為係09年新款,
所以要send返原廠改size,要成10日呀!
佢而家同我趕工都要27號先拎得,真係險呀!!!!

其實我一入金舖,我第一眼就已經好鐘意一隻由七粒石組成既花形戒指~
呢隻款既戒指,其實自我11歲起已經戴到而家........
所以我一見到就好鐘意好鐘意,情有獨鐘咁~
我而家戴緊果隻十幾年前買都要2100蚊,係自己儲利是錢買架!
粒石仲要細過今日睇果隻好多好多....

但因為粒石唔夠閃 & 得半卡石組成,變成結婚戒指好似唔夠睇頭...
so...............我捨棄左佢~

取而代支係另一隻大d、閃d既戒指!
而老公都揀左一隻我認為好"娘"既戒指,哈哈哈!
佢揀左一隻磨沙金+銀色,中間有粒細鑽石既,但粒石細到睇唔到咁滯~
佢話佢唔中2咁閃令令既野wor.........同揀婚紗個喜好一樣@@"

揀完就度size + 埋單啦.....
到拎卡出黎找數果陣,個職員都pack好d戒指入袋了........
老公突然彈句: 你係咪好鐘意隻花花戒指呀? 買埋佢啦!

嘩,買埋佢? 我第一個反應係當住個職員講: 唔好啦,好貴呀!
老公話: 唔緊要啦,我見你望左佢好耐,買埋佢啦!

就係咁,我就有兩隻結婚戒指啦 @@?
職員話我好幸福,好少人會咁樣........真的嗎?
由於冇帶相機,所以用部手提影,超唔清囉,都唔知部iphone想點 =0="
左邊係花花,中間係第一隻結婚戒指,右邊係呀康既~

揀完戒指之後我叫康0係元朗放低我,
我心思思又走左去睇我所講........我喜歡果件婚紗............
結果?! 哈哈哈,我又租左佢~ 所以果日我會著兩套婚紗,哈哈哈!

不過又有一樣野煩~
就係平時我影人就多姐,真係好似冇乜朋友識影人............
搞到而家一結婚就好似搵唔到人幫手影相咁~
就算有d fd平時有影開,但10月28係閒日,佢地放唔到假,即係冇人幫手!

今次真係大獲!! 有冇fd 10月28可以幫手影相架?!?!

P.S:
KING仔轉左食summit之後,d屎真係靚左好多同埋唔臭了!
bye bye fromm雞肉 =p