2009.09.17 小學同學聚會

前果幾日小學同學聚會~
原本定左8月30日,因為第二日守夜,所以大家將個期改左做9月13號~

呢班就係我某部份小學同學啦~

聚完之後都點幾鐘,老公話趕唔切接我,叫我出荃灣佢再黎車我~
咁我咪搭的士過去囉,司機兜路喎~
旺角高氏大廈去荃灣MTR要90蚊囉~  眼都突埋.........

我心諗,的CALL架有折既的士由旺角入元朗都係150蚊~
真係超唔抵呀! 果幾十蚊,我老公D油錢都0係返到啦,早知我自己搭車返去好過...
我仲要0係MTR STATION下面等左老公好耐先 = ="

=========================================

前排EVA話想打牌,尋日口痕問佢幾時打LA~
佢話就今日啦,不過唔去得我元朗既屋企,因為佢應承左佢老公要煮飯~
但我話我而家唔去得人屋企喎~ 佢話佢唔MIND咪得囉~ 百無禁忌~

結果約埋同事Ray HO同Ray Wong就去左Eva屋企打牌啦~
頭一個鐘我同Ray Wong未食過糊,陰公~
Ray Wong就輸得最慘,舖舖都開櫃桶~
我雖然冇糊食但除左人地自摸我都唔洗比錢!

但後尾我扎起條辮發力,反敗為勝,wakaka~
打到8點幾Eva就煮飯~ 結果我地痴埋餐先走 =p
Eva煮個雞亦真係好好食,等我下次同佢偷下師整比老公食先得!!

EVA煮飯中

最好食碟雞亦唔記得影相呀!!!! 丫~~~

9點半老公就黎接我~ 之後順便車埋Ray's出大埔火車站!
放低左Ray's 之後就同我講,想拎銀行筆錢出黎.....
趁而家新界的士牌價240萬左右,買返架的士.........
出架新的士,租金可以貴D,皮費維修亦都少D!
租比人渣220蚊一更,兩更車租再夾埋自己每日倒貼50蚊就可以供架車!
等於人地幫你供車差唔多~ 供完之後做按揭,再拎筆錢黎買樓~

呢幾年就租屋先~ (橫掂2千蚊咁平!)|
到時我地兩個有份工,又有架的士出租,差唔多等同人地幫我地供~
咁我地應該都可以儲到$$,之後平平地買間幾十萬至一百萬左右既村屋~
到時條數會好計好多.........

佢話如果放筆錢0係銀行,年息3-8厘,4年後先拎得,息都係得12-15萬左右~
如果佢早供4年的士,早4年甩身,息都唔止呢個數wor (我唔識計,佢講我聽only)

另外我想問下,有冇人知屯門元朗天水圍果邊...
邊到有得買羊扒呀?!

我上網搜尋過,冇人講,只係有人推薦和興行
但間野0係CWB,近兩年,真係一年都去唔到十次呀!

真係好想食羊羊呀~~ 我係羊羊愛好者黎架