2009.09.04 MILK MIKE回家了

Milk Mike終於從公公家返來了!
在公公家好食好住,Milk Mike已經變做了超級大肥仔同超級大肥妹!

2個半月足足有4磅重!!! 身長差不多有一呎了!
公公話一日餵兩餐,我就話冇可能啦,因為真係增長左好多肉呀!

而家返到黎屋企,成日吠!!
如果佢地0係籠,會嚴重到係一見到我就吠(見到其他人唔會吠!)
甚至見唔到我都吠!! 所以我話呢,佢地真係裙腳仔裙腳女黎架!
不過通常慈母多敗兒,人善被狗欺,唉.........

佢地完全唔怕我,但唔知點解一見到爸爸就驚!
驚到係爸爸餵野食都唔敢食,爸爸掂佢地都會彈開!
爸爸一開聲喝佢地,佢地就即刻收聲唔吠....

明明果陣未去公公屋企住,佢地都冇咁驚爸爸架~
爸爸呢排又冇接觸佢地,又會咁離奇突然驚爸爸既?
唔通爸爸隔空打佢地? 哈哈

------------------------------------------------

太多日冇寫blog,順便更新下!

由於康少daddy0係媽咪出殯果日去左旅行,所以剩返我同老公兩人橕台腳~
平平地煮餐飯仔! 買左$28蚊鮑魚仔同埋$15蚊蟶子!
之後蒸個水蛋就收賣左老公個胃,哈哈!

食左一半先記得影~ 由於趕時間開工,所以MIX埋一碟蒸!
由於冇乜送,更加冇肉,所以煮多左D飯,估唔到老公又同我食左3碗飯 =D

而呢餐係之前煮既~

媽咪個喪禮唔多點講啦~
總之我同屋企人 + D親戚朋友都幾滿意~
紙扎品方面最滿意係呢張麻雀台~
(放心,我問過wendy,影紙扎品冇問題的! =] )


當日我地摺左超多金銀~
我同哥哥0係屋企狂摺,摺到質爆左個車尾箱加後座@@"
呢到係部份金銀~


去到殯儀館,將d金銀拆袋,有3x袋,之後PACK落"附墊袋",足足有20大袋!
pack完後我地再摺摺摺,摺爆左5個衣箱 + 兩日不停咁燒咁銀~ 媽咪今次肥仔lu~
估唔到d親戚朋友都長時間坐0係到幫手摺,真係唔該晒 =]


好在果日都book左個比萬國大d既堂,如果唔係就失禮死人啦~
因為有段時間係多人到要加登,唔夠位坐,要d人坐走廊 > <

由於果晚成10點幾先走,大家都未食野~
所以同埋daddy & 哥哥 + 我班朋友去左食板燒~

因為唔食得牛肉,我地唯有食羊肉、雞肉、豬肉!
好搞笑地原來果日有班正宗蛋散,中2食雞蛋!!
我地果晚起碼食左70件玉子!!!!! 癲架!!!

前果幾日我同哥哥陪老公過灣仔搞媽咪d遺產~
由於老公未訓過覺唔夠精神~
我地泊低左架車之後叫哥哥渣車過海,我地樂於做乘客!
仲帶埋Milk + Mike + 蕃薯 去打針!


打完針之後哥哥同我講佢部雪櫃比人拔左插SO,SOD野溶左雪~
叫我地去完打針之後就上佢屋企開餐~
有蝦、三文魚子 & 劍魚


睇到台面果張雀紙嗎? 我哥打台灣牌架!
尋日去哥哥屋企果陣哥哥教我地打,老公比哥哥拉莊拉到204番呀! 哈哈~

執遺物果陣,我將媽咪0係上海買比我果兩條珍珠鏈陪佢火化~
而呢條原本都諗住一齊火化,但最尾老豆話唔好
呢條鏈都係買比我架,但我冇戴過~

媽咪個保險仲未開得返,呢兩個月等電話喎 = ="
我想第時開得返個保險箱之後拎d玉放落個骨灰盅到陪媽咪!
講真,而家火化果d都唔係咩值錢野,只係有紀念價值姐~

呢兩日見得閒,執一執間房,結果我將個衣櫃大變身! 變左做書台 @@ 
咁又慳左d地方比幾隻衰豬入房陪我訓啦 =]