大哂日北上吃喝購物團 (19/7)

10:00am 約好03同07夫婦係火車站等，佢地放低文文同軒軒一日咁多啦！11:xxam去到羅湖搭地鐵去老街搵老北方，但print哂地圖問哂人都係迷路，都係要搭番的士先搵到！

豆沙餅、韭菜餃子、白菜餃子、羊肉餃子、上湯娃娃菜、好味醬骨架、蝦子餅最鐘意的虎皮尖椒、螺頭凍食、豬耳拍青瓜、羊肉冬瓜湯

6個人盛惠RMB240

1:xxpm 食飽後遊東門，03同07係咁試人d超都係攪攪震冇幫襯，行左好多地方呀！買左對成惠$39蚊ga鞋同一件$50蚊ga衫，嘩！好平呀又靚！行到5:00pm，唔得啦！要走啦！趕住去大漁食鐵板buffet, HKD160咋，6個人可以包房有個廚師一路煎我地就一路食，好多野食呀！

我飲左幾口梅酒咋，就已經暈暈地，叫杯綠茶sin...eeee咁得意架？花會慢慢開架！好多野食、羊扒、雞扒、牛仔骨、豬頸肉、海鮮、魚生、刺身、雪糕、沙律、炸雪糕、生果、汽水、紅酒、梅酒、生果汁好多好多呀！不過真係好漏，我諗我地差唔多食左成磚牛油都有！

差不多8:00pm食飽就搭地鐵去最後一站書城！去到書城啦！真係超超超大！我知道自己會買好多書，所以拖埋個大袋去！哈！我買左14本書+1合DVD，成惠RMB331.90咋，勁開心呀！係香港買一本都要70-80蚊啦！YEAH....有排睇 lu....我知自己會行好耐，唔多好意思要成班人陪我啦！所以我專登上網訂定自己想要ga書，唔駛搵咁耐，d書得個名我都係估估下ga咋，深圳書城又另我改觀左wor....我成日覺得佢地做又36唔做又36 ga ma.....d網址都係有名冇實，冇乜用gala...點知佢地真係會覆番我ga wor...仲會打黎香港tim.....我要ga書搵到哂可以隨時黎拎ga la....即刻覺得原來佢地都幾有效率wor...

買左一張goofy凳仔，$39 only...但我知蝦子餅唔想我買架！不過我今日大哂wor....唔可以say no.....

深圳有2元店，好多野買呢！頭飾2元，連12色ga木顏色都係2元，買呀！一大札橡筋圈都係2元，可以用黎做布包頭飾送比朋友仔啦！

今日全日消費都係蝦子餅一手包辦，多謝哂！我的蝦子餅