台北3日2夜 1/3

上個禮拜請了1日假，去左差唔多2年冇去過既台北，幫自己叉叉電！

台北真係香港人放假既好地方，由香港起飛到台北，前前後後都只係1個鐘10分鐘左右，仲快過去廣州！

每次落機都覺得桃園機場同浦東機場d格局好似，唔通上錯機去左上海！？

黎到台北，唔使講......就梗食食食食食食食食食食食食食食食食啦！

先黎貢丸湯再加多個魯肉飯，埋單都只係HKD$10！抵

因為坐8點早機，響飛機度又訓唔得耐，食完決定返酒店休息下，點知再醒已經係5點幾，哇,.......乜台北個天黑得咁快架！

咁耐冇黎，當然要搵舊朋友出黎聚一聚，佢係阿SAM！台北牌子MANIA、OVERKILL既創辦人，亦係最早將BEBETAN個日牌DELUXE引入台灣，家陣搞緊個新牌子叫SAINT IN ROCK，玩懷舊美國風，今日佢仲著住條BEDWIN 3/4  CHINO出黎同我食飯！

經阿SAM帶路，黎到佢間SAINT OF ROCK專門店，樓下有幅手繪招牌，同樣係美國風格！

專門店響西門町內街，要行上一層，面積細細不過裝潢明顯花左唔少功夫，加埋不停播緊美國懷舊JAZZ，入型入格！

門口發現左呢個木招牌，我多口問問係咪NUTS ARTWORK既出品？？點知原來係阿SAM自己手繪，有型喎！

廣告時間，講番D衫，質地唔錯，價錢唔貴，值得推介！

響SAINT OF ROCK竟然撞到小龍，原來佢又係放假過黎台北玩3日，岩晒..............可以一齊去浦囉！

夜晚阿SAM車左我黎到東區某店，請我食呢個台灣傳統花調雞，我最初仲以為味道只係好似醉雞咁，點知超正，下次一定要再食過！

呢間老店，好多名人明星捧場，門口仲成幅牆都係相添，有我以前偶像小旋風呀，你地見唔見到呀？！

食完飯再去ROOM 18飲飲酒，點知返到酒店原來已經3點幾，好在樓下果4條女仲響度，感覺冇咁悶！

----------------------------------------------------------------------------

明天待續>>>>>>>>>>>>>>