激氣

越來越唔鍾意有D朋友來我屋企！

有好多食煙嘅朋友，從生完BB之後為咗BB既健康都主動介煙，我身邊就有唔少咁嘅例子。但偏偏有D朋友衰到，係自己既細路面前從來唔食煙，點解？咪唔想自己個細路吸二手煙而影響健康羅，但卻係我仔面前食煙，大佬呀你錫你個仔，我都一樣架，你明知我仔有氣管，我成家人都因為咁病咗成二個幾月，到E家我個仔仲係有少少咳，我老公都係，你仲專凳坐的士來我屋企，唔係來關心我，唔係來睇我，就係為咗來我屋企食煙，有時候誇張到食埋成包煙先肯走，當我屋企係咩丫“公共廁所丫？”

唔係一次二次架喇，你有冇諗過我架，呢排我個仔病咗咁耐，我成日都因為佢哋半夜咳而瞓唔到，次次睇醫生，醫生都問我，屋企有冇人食煙？你仲要來我屋企煲煙，你可以去出邊食架？點解一定要專程來我屋企食煙先？

你既健康我唔想理，我只想我自己屋企人健健康康，哩排天氣咁凍，個個屋企都係關曬窗，你係我屋企食煙，咁D煙味點散丫，我的衫全部都涼曬係個廳度，D衫吸曬你D煙喇，成個屋企都係煙臭味，唔通把所有既衫都攞出去洗曬佢丫，我唔話你係比面你，點知你見我唔出聲，就三番四次走上來，我已經暗示你，唔通叫我講出口得罪人咩。

如果你來我屋企住，我歡迎你，我都知食煙既人好難控制煙癮，你食一支二支我都可以接受，但我卻接受唔到一個專程來我屋企煲煙 ！而唔係來探我，甚至食埋成包先走嘅人，你都有屋企架，點解你唔係你屋企食，點解要咁遠坐的士過來我屋企食呀，你自己心照架啦，

真係太過份了！做人唔可以咁自私架！