2009年6月16日 (星期二) 大嬸

我家大嬸既事跡，相信大家都略有所聞。雖然佢近日有可見既進步，但亦難解兩老對佢既偏見。(所以呢，第一印象真係好緊要)

對於呢個大嬸，我既態度係由「大抗拒」變做「唔…都…可以勉強接受」，當中主要原因係：佢煮d送好食。但係家中孖寶就日夜轟炸我，特別係女既，話佢做野求其，唔夠細心，唔識湊仔，見到佢就唔聚財，要快d換人…最後例必加句：我比意見你o者, 你諗你啦！ 然後第二日再重覆追問我搵人搵成點。

前日同叉哥傾計時，無意中得知大嬸叫叉哥拍餐包背，暗佢訓覺，以佢自己就「躺在床上休息」

係佢懶，定係想訓練叉燒照顧他人既能力？

但係…香噴噴的晚餐，令我有d猶豫。

尋日開始，覺得大嬸變得主動同餐包玩…

後來發覺早兩日in工人張時take note 張紙仔唔見左…

點解，點解唔可以早d改，要等到最後一刻？