飛天米奇在圓方

前排,

約左個朋友本想去佐敦渡船街食重慶燒,

但因時間關係,

我地最後都係"圓方"既食肆食嘢,

貪方便就入左間叫"夏麵館"既上海店。

**********

進食其間,

無端端隔離枱個女仔大叫起來,

一望之下,

原來有隻起碼8吋長既米奇老鼠從天花而降,

正正係從天花降落係那女仔既頭同背.....

那米奇並沒有跑掉,

反而仍留在那女仔凳上周圍聞,

餐廳既waiter就用托盤打走牠,

牠一跳落地,

基本上,

大部份既女食客嘩聲四起兼雙腳離地或企係凳上面,

情況有點混亂.....

最終米奇受驚下就跑左入老家(廚房)。

******

最失敗就係那食肆既經理&員工,

可能佢地對於猫咁大既米奇見怪不怪啦!

唉......

佢地完全沒有理會&安排受驚食客,

一味話會同大廈管理反應,

大佬呀! 隻米奇係呢間食肆出來的,

而家晤係推卸責任既時候,

痴痴地.....完全晤識處理,

反而我地呢d路人甲,

即時遞上消毒tissue比受害人, 安撫她 (因為她不停在震顫),

難怪受害人既男朋友咁鬼惡啦!!!

*******

wow....

當時壁奇就嚇倒晤知有咩反應,

而家壁奇既後遺症,

就係食親飯不其然就會望住個天花板.....