命中注定我愛你

從不相信一見鐘情這回事    直至第一眼看見你

還記得第一次和你約會已跟你深深戀上

誰知我這負心人竟然移情別戀    遺下你獨自在昏暗的角落

接著的日子        我不斷尋尋覓覓直至再一次跟你遇上

這一刻        我知道        我一直在找的便是 “你” !

sorry, 我既愛情故事並唔係咁浪漫, 我講緊既係...

從不相信一見鐘情這回事    直至 [在 wo’s blog] 第一眼看見你

還記得第一次 [在半島分店] 和你約會已跟你深深戀上

誰知我這負心人竟然移情別戀 [VCA]       遺下你獨自在 [店中] 昏暗的角落

接著的日子, 我不斷尋尋覓覓[睇過另外三個 brand]        直至再一次跟你遇上 [我又去sogo店試戴]

這一刻我知道        我一直在找的便是 “你” [tiffany milgrain]!

無錯, 我既婚介出世啦!

原先為結婚介子既誕生擇左浪漫既一天 -- 2月14日. 好似好有意思咁, 求婚一週年 + 最後的單身情人節去買婚介, 又多一重紀念! 已經決定果日出動, 再睇唔岩其他款會返去tiffany. 又咁岩琛果幾日好忙, 要出 mock 卷, 行程就咁取消左, 只係出左去食dinner 就返左屋企 lu.

又過左幾日, 媽咪準備去澳洲 training, 意外地知道接應佢既一個 friend 係果邊 tiffany 既 staff! 第一個反應係 "會唔會有Discount呢"? 哈, 我即時交低所有資料俾阿媽, 吩咐佢一定要完成任務先好返嚟見我呀!

媽咪問完一輪, staff discount 就唔好意思問人喇, 但都因為澳元兌換率低同可以退稅, 每隻介子可以慳 10%, 好過無啦! 我地對介子就係咁由原先 "超級浪漫的誕生", o係命運既驅使下, 變左"超級現實咁出世" – 因為果 10% discount, 由外母大人千里迢迢帶到我地手中! 全個過程我地只係 “一齊” 去過 tiffany 一次 (我自己私下再去多一次), 下次去應該係刻字啦! 唔通…整定我既命格同 “浪漫” 相沖?

今朝媽咪返嚟香港嘞, 我終於可以再一次戴上 milgrain. 個感覺比任何一刻強烈, 因為佢終於屬於我地, 一雙我地會盡量戴住一世既介子, 一個見証我地婚姻既信物! i love you!

我地揀左 4mm 粗, 我 size 4, 琛 size 9.5 我隻手雖然細, 但戴 4mm 都 ok, 粗 d 都幾型呀!

真係好鬼靚, 超立體, 相片 show 得唔夠全神, 文字更加難以形容! (自我陶醉中)

好開心! 唔知今晚會唔會失眠呢? 睇怕都唔會, 皆因今朝 6:30 起身去接阿媽機, 之仲行左成日 festival walk.  呵欠, 各位早抖啦!