09.08.02 - 向杜拜出發

難得可以去杜拜總部, 好開心哩. 原本都想早一日去遊玩一下, 點知同事們都無興趣, 又話貴, (唉, 啲人真係要用盡公司資源先話抵, 真係一個仙都吾肯出, 對自己好啲又點算吾抵哩~ 真吾明啲人點諗). 好, 既然咁, 我一個女仔去, 又好似好吾安全, 只好跟大隊啦, 星期一喺公司食完lunch, 一起出發.

一上機, 見到係魚骨倉, 有啲失望, 因為吾係咁舒服哩. (不過回程坐返最舊既款, 先知魚骨倉既好, 哈, 人有時真係好衰.) 好, 講番個魚骨, 吾好既係: 1. 要同朋友分開坐, 就算情侶.家人都有個位分開, 好lonely; 2. 個人要打斜坐, 怪怪咁. 3. 要面向條走廊瞓, 幾無安全感呀. 不過哩, 啲blanket好輕好軟呀. 又多movie睇. 今次睇左 "I LOVE U, MAN", 超正同好好笑. 所以"CC"服服就過左8個鐘啦.

仲有, 喺機度真係好悶, 無得同隔離傾, 唯有同啲食物玩啦, 影一餐.

啲NUTS好好食, 因為係叮熱左, 好Warm既感覺哩.

食物真係好一般, 同埋都未餓, 就食咁多, 真係食吾下去.

不過值得一提, cathay既wine list好好. 今次先試champage, 再嚟medoc, 同埋一杯sauvignon blanc. 最愛佢既medoc, 真係要encore. 不過時間太短, 好急就要瞓, 無慢慢嘆.

早餐更趕, 都吾好食哩.

不過驚喜係個travel pack. 同事都話之前無哩, 係b仔呀.