混醬炆牛尾

為了要清除放係冰箱好耐ge牛尾, 今日決定要攪掂佢.

見上次呀May用花生炆得咁開心, 今次我除了加花生外, 仲有紅腰豆. 至於果個混醬, 都係亂嚟, 雪櫃有咩放咩囉, 有豆板醬, 磨豉醬同埋南乳, 加左好多乾蔥頭, 薑, 仲有獨子蒜, 加一小片片糖, 落d昭慶酒, 炆埋一煲, 好野味, 送飯一流.

我都想同大家分亨吓炆野小小心得, 特別係炆牛腩, 牛尾呢類型食物. 先用大火煮滾, 跟住收細火炆1 hr, 熄火, 焗15mins, 再開細火炆20mins, 再熄火焗15mins, 再次開火炆20mins, 熄火, 唔好攪佢, 等佢焗多20mins先開蓋, 包"林". 記住炆ge過程千其唔好開蓋, 後果自負啦.