東部華橋城

復活節假期, 四日假期, 無理由系屋企訓曬. 所以星期日計劃咗 東部華橋城一日遊.

原本想在九龍塘撘 永東巴士($65)直到 目的地, 但去到先知俾人訂 曬位.

其間又有團友T 先生發現無身份證, 要先打道回府, 從後再上.

咁無辦法, 就一行四人先撘直通車($30)到沙頭角, 再轉的士($50)

可能是假期, 一落車以經人山人海, 大部份都系大陸鴨仔團.

到售票處, 門票 $200 一張, 包遊大俠谷($50) 及 茶溪谷($150)

大門口就系大俠谷, 唔掂! 工地一個! 根本未開, 無野玩. $50 蚊就系咁俾人屈咗.

(如果有人計劃去, 最好先在香港買 $150 票, 大門口售票系唔會賣 $150 票俾客)

之後坐吊車上山, 到咗 大俠谷 同 茶溪谷中間的山頂, "雲中部落".

因為系山頂, 所以應該好靚景,  可惜今日大霧, 如果天氣好的話, 可以遠望大梅沙.

行完雲中部落, 坐園內巴士去華興寺(免費參觀), 間寺位於高球場, 遊樂場中間, 有點攪笑. 有好大個佛像!!!!!!

跟住就落山到主要玩點 茶溪谷遊樂場, 歐陸花園設計

扮銅像架真人, 好真. 除咗眼珠, 真系銅人一樣

呢個西人識自彈自唱中文歌, 一流表演

話明茶溪谷, 緊系有茶園, 仲有好多人影婚紗相

再之後走咗去隔離架濕地公園, 有彩虹花田.下圖糸細架彩虹花田, Size 大約兩個足球場, 仲有個大架, 但唔夠時間, 無去.

4:00pm 俾咗 $100 蚊入場 節目"天襌". 好悶,

隔離個阿叔仲除鞋, "洞" 高隻腳坐. 攪到成個節目色香味俱全.

玩到 5 點落雨, 走走走. 反雲中部落, 坐無頂纜車下山好正, 有點過山車 feel.

餓咗成日, 最後反深圳食 新彊菜. 燒羊肉.....

呢個主題公園未開曬, 園中交通唔方便, 天氣太熱或太凍都唔適合行.

佢佔地比海洋公園大得多, 景色同玩樂都唔差,

如果佢唔"接", 另外兩個主題公園 "大俠谷" 同 "雲中谷" 都完工, 都值得再去.