人言可畏

雖然我不嬲都知有人會o係我背後講我是非, 但我諗o個個人都只係會將我做錯o野o個o的事周圍話俾人聽, 我冇諗過原來佢會捏造一o的o野o黎屈我。

唉...一年前o既我果然係入世未深, 曾經o係哩個blog 度話過佢好人, 亦唔明白點解咁多人會同我講哩位屈我o既小姐係一個好有問題o既人...而家終於知啦。

今日聽個同事講返俾我聽(雖然唔知內裡有幾多鹽幾多醋), 原來哩位小姐o係兩個新同事面前, 話我同sasa 向上司告狀, 令佢地返工由原本一個week 39個鐘轉o左同我地一樣, 一個week 42個鐘。我心諗, 如果我有咁大o既能力可以令上司同人事部改變主意, 咁我不如叫佢地將我轉做39個鐘好過啦。而家咁我有咩著數???

其實一直都聽到身邊o的人話哩位小姐唔好, 我亦知佢經常o係我面前話其他同事唔好, 一定會倒返轉o係人地面前話我, 但, 估唔到佢玩分化, 想離間我地同事間o既關係。

"要小心o的ex-K o個3個女仔, 佢地鍾意篤人背脊" ......除o左話我, 話sasa, 仲話埋愛美。

我聽完之後好嬲, 亦有o的唔開心, 我最憎俾人侮辱人格。

所有識得我o既人都知我個人直率, 有o個句講o個句, 鍾意樣樣o野當面講得清清楚楚......篤人背脊?我而家俾人篤我背脊就真。

好彩, 佢分化唔到我同其他同事o既關係, 亦分化唔到上司對我好o既工作表現o既印象o者。而信佢o個兩位, 同我都唔係太熟, 佢地憎唔憎我, 一o的都唔重要。

終於明白當年俾哩位小姐迫走o個位前同事o既心情, 唉......人言可畏。

p.s. 哈哈, 發洩o左之後心情好好多lu...今晚好好地瞓一覺好o既先, 聽日又係重生o既我~:p