B for Agnes B*

呢個袋靚嗎~?!
我上年暑假已經好好好想買..但太貴所以忍住..
跟住上年去日本唸住見岩就買..
點知比小豬一句"普通"攪到我又冇買..
家陣~~佢出左紅色同粉紅色..正好係我最愛既color..
紅色wo..有邊個唔知我無紅色不歡wo..
點知我都係忍手唔買..
直至今日..小豬話我乖唔亂花錢..話送呢個袋比我做生日禮物..
已經問左文仔借九折卡..去到Agnes b拎住個袋左試右試..
最後我竟然擺返低走人唔買..
千幾蚊一個袋..如果叫我出錢反而冇咁肉赤..
而家明知係小豬出反而赤赤痛唔肯買..
係咪傻咖..!?

老實講..畢業後到而家我一出糧就好自律比哂所有錢媽咪keep..
每日只係得幾十蚊零用..平時衫褲鞋襪乜都唔多買..
就算自己出錢買野都習慣問過小豬批准..
有時都覺得自己好鬼白痴..既然自己出錢..駛乜佢批准呀~?!
仲要睇佢面色做人..佢唔鐘意我買就忍手唔買..
佢比我買先死死地氣走去買一件半件自己鐘意既野..
唸返起自己問准佢果個衰樣..都覺得好委屈..
試問有幾個女仔一聽到話男朋友送野比佢唔會不停左揀右揀..
偏偏..我就是這麼犯賤..
係要自己出錢先覺得開心安樂對得住自己..
重點係自己出錢都要佢批准..我都唔知自己唸乜..!