HK之旅~

難得細佬可以幫手..威記船飛又唔駛錢..我就一個人過左香港行左陣..
不過超累囉..10:45出發..先緊緊坐到12點船過去..5:30就返澳門..
小晴係船上完全進入昏迷狀態..d人又話會暈浪..但我不知幾好訓..哈~
一落到MTR就見到我至愛既胡杏兒又換左廣告啦..不禁對住佢係咁影~~

今日第一站就係馬來西亞貿易部搵Vicky..之後再去旅遊部搵Yap..
反正都去香港..我就順便拎我地公司出既報紙佢睇啦..
見到佢地睇到d報道都幾開心..自己都好滿意。
離開之後就去左醫肚..食左個什麼牛牛紅薯粉加檸蜜..30個大洋..
叫完之後先發覺原來34個大洋就可以食到西冷牛扒+忌廉湯..shit..！

之後係旺角係咁行..不停搵Nikon P80想試機..因為有人想買比我用..
點知行哂成個旺角都話冇貨話要訂wo..咁就幫小豬慳左3千幾蚊啦~yeah^^
跟住又唸住去買對新波鞋啦..因為而家呢對著左年半有多..
已經著到個鞋底簿到踩粒石仔都痛..點知佢同澳門同價囉..
仲要d款比澳門舊..咁唯有返澳門先買lu~
返澳門時個view勁靚..又shot左幾張。

小豬收工後來到乙水仔碼頭接我..我地又口痕去左食泰國菜..
由馬來西亞返來都唔夠兩星期..已經係第3次食泰國菜啦..
有必飲既冬陰功湯..咖哩淤鮮粉絲煲..燒豬頸肉..紅毛丹冰..
發覺自己好似大食左..竟然只係得7成飽wo..


唸住返黎買波鞋啦..其實之前已經去睇過幾次..
點知一話試鞋既時候..佢竟然話冇size囉..頂..我完全跌落谷底..
咁又幫小豬慳左6百蚊..yeah^^