Bourjois

琴日下午原本約咗好友- Ki Ki去屯門行街街,

不過因為佢臨時有事,推咗我 .....

幸好妹妹有空檔, 即急call佢出黎陪我....嘻嘻

(正確d黎講係我佔用咗佢同男友的時間, 哈哈..sorry)

琴日shopping的目的係要幫衣櫃換換新裝. 但行左成

個下午我只係得一條碎花短裙同一件黑白橫間上身衫

的收獲. 正當我不停詢問妹妹"是否依家的轉季衫太

普通呢? 家係我買衫的要求高咗呢?" 迷底解開啦～

以上盛惠 $312

買買下衫, 變咗幫妹妹睇防曬打底Base; 睇睇下, 去咗Bourjois試眼線筆;

試試下, 就敗咗呢幾樣野番去兼做埋Member

說實話, 呢樣先係我真正想敗的東西---"藍色眼線筆"

早排睇咗個台灣美眉的Blog,俾佢的藍色眼妝吸引著.

於是敗了支藍色番黎試試 ^^

(抱歉, 又無試色相...可能我真係太手殘的關係, 影極d

試色相都係反曬光, 唉..仲有待練習練習)

呢支係我為咗 join Member而買的Set裝的其中一樣--"唇彩"

顏色係妹妹幫我揀的~偏橙帶點紅, 適合唇色偏深的我.

這兩個不用多說啦, Bourjois的皇牌產品--乾濕兩用眼影同粉末胭脂.

左: 77 TAUPE PAILLETTES

右: 34 ROSE D'OR

認識Bourjois呢個品牌都有一段日子, 今次係第二次帶佢番屋企.

不過總係覺得join咗Member後, 帶佢番屋企一定會多咗.

都唔知自己咩心態

後話 :

終於收到Blog友Cindy寄俾我的產品啦.. Happy~Happy~

遲d會有試用文, 耐心等待哦!