嘉樂冰廳

2008年1月12日

  由千秋王子做導遊嘅試食團今日終於成團, 目的地就係荃灣一間好出名的"嘉樂冰廳", 係網上一直大收好評, 而千秋王子又成日講到點好點好咁, 攪到野田妹個心好想快d去試。

我地今日有千秋王子, 佢囡囡, 朱朱同學同我, 一行4人齊齊殺入目的地。一去到果然有好多人排隊, 但個時已經3點幾, 我地又未食嘢, 真係餓死人啦!

因餐廳的地方唔算大, 而且全部係"4人Car位", 要一齊坐實在不易, 所以最後都要同千秋王子佢地分開, 我同朱朱同學唯有先行一步lu... 我地一坐低就叫哂千秋王子的誠意推介: 細火腿奄列, 鹵水豆腐, 炸雲吞同兩杯阿華田奶昔。

  等咗唔係好耐, 細火腿奄列隨即送上, 真係好彩無叫normal size咋, 如果唔係都唔知點食, 差唔多連隻碟都裝唔唒! 一切開, d火腿同蛋汁已經流哂出嚟, 一食落去果然與別不同, 原來係奄列下面放咗類似"喼汁"嘅物體, 所以更加惹味!

  之後就有鹵水豆腐, 但就真係無我預期咁好, 因為硬咗d, 如果滑d就好啦, 但味道尚算ok!

  跟住就係炸雲吞, 有成10隻咁多!! 咬落去真係好鬼脆, 裡面d 蝦好似要跳出嚟咁, 好大粒, 材料十足, 正!!!

  最後就係阿華田奶昔, 真係好好味呀, 仲好大杯添!!! 飲完之後成個人會變冰條, 下次去真係要再飲過!

其實中途千秋王子仲俾咗兩隻雞翼我地試, 真係超滑呀! 總括嚟講有10個讚讚讚讚讚讚讚讚讚讚!!!!!!!!!!  好想快d再去試其他嘢食呀!