會過去的

2008年1月25日

上個星期的負面情緒一直帶到落嚟今個星期, 真係閉閉都無咁閉..... 到咗星期三仲衰, 晨咁早再受多次沉重打擊, 我真係再忍唔住啦! 係o個個moment, 我真係要爆出嚟啦, 所以忍唔住咁流咗幾滴眼淚......

跟住把心一橫, 諗住約師兄出嚟食飯, 同佢訴吓苦咁, 點知佢又約咗人打羽毛球, 其實我個晚都要練波...... 但係佢好好, 話等我練完波之後同我去食糖水, 個心總算有d安慰, 終於唔駛俾人請食檸檬!!

個晚最後攪到成11點幾先出去食糖水, 原本想去我屋企樓下個間食, 但點知又無開門, 又要走返落荃灣, 真係...... 不過好在, 我地都食得幾開心, 之後佢仲開解我, 解答咗我好多唔明嘅問題。 原來男人諗嘢真係有個譜, 佢好似估到唒"佢"點諗咁, 同點解會有咁嘅回應, 令我可以慢慢放低..... 佢見我咁唔開心, 今晚仲陪我去食壽司添, 呢d朋友真係唔話得!

不過今日最開心嘅係我識到一個"新朋友", 唔好睇佢嘟嘟地咁, 其實佢真係幾好, 之前仲送過樣"小小心意"俾我, 而我亦一直都放係身邊, 好好保存住。今日識咗佢之後, 成個人都開心返唒, 咩唔開心嘅嘢都過哂去lu, 係一個好好的新開始。聽日我會帶埋呢樣"小小心意"去打好每一場比賽, 我有預感一定會贏! GOD BLESS ME PLEASE!!