平安夜唔多平安

琴晚完咗女童軍校園宿營第一部份返到屋企已經11點，點知瞓到凌晨五點幾忽然喉嚨痛到醒咗，真係好痛好痛，要含住粒八仙果先可以再瞓。

點知七點幾起身都未有好轉，但又要趕返學校進行女童軍校園宿營第二部份，打算放工先去睇醫生。

到咗下午食完飯越黎越痛，頂唔順完成宿營返第一城睇醫生，之後再去買禮物今晚同班中學同學一齊過平安夜，點知屯門公路塞車，足足要個半鐘先由屯門返到荃灣，坐到我腰都痛(宜家好煩，坐得耐又唔得，企得耐又唔得，瞓得耐都唔得)~~~~

我四點三到係學校走，最後七點先返到第一城(沿途已致電shadow今晚我要爽約了)。去到醫務所，姑娘話醫生九點三先返，叫我到時先黎。吓，我怕我瞓著咗啦，唯有搵第二個未睇過的醫生睇，點知睇完都要八點幾。醫生話﹕「你知啦，你有BB好多藥都唔食得，我都只可以開D普通藥比你，你最好靠自己抵抗d菌啦，都係o個句早d瞓、飲多d水。」

終於可以返屋企，我都只係買一個粟米玉粒飯陪我過今晚，但見到d肉又唔多想食，真係唔開心啦~~~

唔知我唔舒服何小B有冇事呢~~~~~~~

P.S.﹕多謝一班六年級小女對何小B及我的祝福，我也希望你地可以入到一間理想中學，錫晒你地呀~~~~