綠茶紅豆慕絲cake

今日又有新花款,不過今次我落得太多紅豆啦.

攪到好似食紅豆糕甘款.老公就話綠茶果層好好食,紅豆果層d味蓋過左綠茶味,攪到唔好食...所以呢個cake應該唔會再有機會見天日架啦,kakaka

打入冷宮,唔再整,hehe

但係老公就叫我下次淨係整綠茶wo,好好食.

綠茶紅豆慕絲蛋糕食譜 (6"份量)

紅豆慕絲材料:

蛋黃                2隻                           淡忌廉          150g

紅豆               100g                          魚膠粉            10g

椰奶               150g                            砂糖              80g

水                    60g                               

綠茶慕絲材料

綠茶粉    8g                          魚膠粉    5g

糖            20g                        淡忌廉    150g

熱水   少許                          冷水         50g

豬媽做法:

1.將紅豆浸一晚,然後煲至軟身備用.

2將40g糖和150椰奶混合,然後加入10g魚膠粉拌勻,用熱水坐溶,待用.

3.打發40g糖和2隻蛋黃,然後加入 步驟(2) 的椰奶魚膠漿.

4.再加入紅豆拌勻,備用

5.將150g淡忌廉發打,然後加入 步驟(4) 的紅豆糊內拌勻.

6.倒入餅模內,雪10分鐘.

7.將8g綠茶粉加熱水開溶變成漿狀.備用

8.將5g魚膠粉加入50g冷水開溶,再用熱水座溶,備用.

9.打發150g淡忌廉,加入綠茶漿拌勻.

10.將魚膠溶液加入 步驟(9) 的綠茶糊內.

11.取出已凝固的紅豆慕絲,倒入綠茶慕絲,再雪30分鐘即成.