時間過得真係快

不知不覺間，又放緊輪值例假，不過唔知有咩做。

哈哈！唯有俾自己休息下，輕鬆下，算係叫做先苦後甜。呢份工令我又愛又恨，不過原來我自己已慢慢地愛上左佢，有時連自己都唔知，明明想同佢分開，但係永遠得個講字，講講下又無左件事，可能潛移默化左啦，什至成為自己生活既一部份。

至於救護界既種種問題，唯有留俾後知後覺既人去攪啦，現階段我地只有去配合，工會所提議既野，我同BeBu車都會去支持！

而家唔理咁多，最緊要放假，去鬆一鬆。唉.......不過可憐BeBu車仲係出面做緊野，24小時不停，唔知呢個時候佢點呢？啲油食得飽唔飽，個車頭會唔會又發燒，又或者四＂輪＂無力呢？希望佢無事啦！加油！等我返黎！