救護車召喚分三級 本周內公布詳情
【記者盧怡安報道】現時本港救護車一律十二分鐘到場的情況或會改變，保安局完成救護車調派分級制研究，擬將救護召喚按傷者傷勢嚴重性分為三級，本周內公布詳情，下周一到立法會保安事務委會聽取議員意見，之後會諮詢公眾。
有生命危險最緊急
據了解，港府擬改變現時救護車召喚「先到先得」、所有召喚救護車的到場目標時間一律十二分鐘的情況，計劃改為救護車調派三級制，將召喚按嚴重性分三級，心臟病等有生命危險的傷者，屬最緊急的一級，救護車召喚時間縮短至八、九分鐘，第二級召喚救護車維持在十二分鐘到場，第三級輕傷者，救護車到場時間多於十二分鐘。
消息指，港府對推行救護分級制的大前提是不增加現有救護服務資源。據知，若推行分級制，消防通訊中心接聽人員會向致電求救的人士發問數條「標準問題」，再按求助人的答案將召喚分級，而任何「冇把握」的個案都一律當緊急處理，如「傾傾下講完地址斷咗線」等情況亦列為緊急個案。
獲市民支持才落實
據了解，港府亦明白分級制具爭議，對最終是否推行持開放態度，當局會進行公眾諮詢四個月，並到十八區會聽意見，獲得市民支持才會落實。
但香港消防處救護員會主席屈奇安指出，分級制的推行涉及複雜問題，最主要是市民能否在電話中向控制室人員匯報準確資料，需長時間的公民教育，亦需處理推行三級制後，一旦有病人失救的責任承擔問題，他形容分級制是「兩面刃」，若能做好可改善服務，否則或令服務質素倒退。
Comment:
BeBu睇完之後，覺得呢個係＂拖＂的政策，救護車由以前到而家都係以先到先得既宗旨去接call，點解到今時今日先會有呢啲政策出黎？原因係而家救護召喚已經去到爆滿既地步，前年冬天更試過24小時內差唔多去到3000轉call，試下除返分鐘去計下，即係唔超過一分鐘就有call，源源不絕。呢幾年，處方就搵消防去頂住先，做靚個到場時間，符合番12分鐘內到場既目標。但係call實在太多啦，而家攪到消防去做救護case多過救火，一來佢地唔想，唔熟，二來咁攪落去，消防果邊實炸型。其實而家佢地已經炸炸地.....
係唔想增加救護資源下，處方唯有向政府拋出新政策，就係學外國咁，實行分級制。我絕對支持分級制，但係唔好學D唔學D，學又唔係學全套，攪到三不像咁。人地外國實行分級制之下，仲有好多野去配合，包括收費制度。一講錢，大把人走出黎話救急扶危唔應該收錢，但香港急症室都收$100，有無影響正常求診人士？急同危係絕對唔應該收錢，但果班濫用香港醫療，救護資源人士係應該收錢，再俾佢地等耐D先可以有救護車服務。不過而家好似話第三級(非緊急)人士，救護車都要20分鐘(外國無設時限)內到場。
仲有，問幾條問題就分到級？但係唔好忘記，香港市民適應力係好強，轉數都好快，當佢地試過因唔中果幾條問題而要等20分鐘咁耐呢，佢地就識switch on AI(人工智能)，到時講：＂我就黎死啦......cut線....＂咁樣之下，消防通訊中心會將任何「冇把握」的個案都一律當緊急處理。OK，我地9分鐘內到場。
好難想像到時會係點，只可以用亂七八糟去形容。
作為前線，我地救護員竟然無提出意見既地方，即使提出左都無人去聽。今日新聞出黎公佈救護分級制果位消防處副處長，佢係.......一位消防長官，從來無做過救護。咁都可以出黎代表救護。我地救護員唯有做返自己，做返自己本份，有call我地去，control叫我去荃灣又好，柴灣又好，無任歡迎，出得份糧，預左要做！因為最終既受害者都唔係我地.......
CMT 皇家陸軍救護兵 2009-08-21 18:21
Tsz梓zsT 2009-07-04 21:15
係啦~睇完新聞都覺得如果d 人有心玩野, 就真係一條問題都唔答咁就可以令你地9分鐘到埸啦~因為答曬d 問題,又等到你地黎果時......搭的士都到醫院啦~
仲話,如果打電話果個如果識急救可以教埋佢點急救wor! 咁我地呢d 上左咁多堂考個first aid 做咩呀!? 電話都教到!? 果d 唔洗做control 啦!
BeBu師兄2009-07-06 12:17
到時我都想知我地點可以9分鐘內到場。control，bebu車888號，我地收到轉call啦，現在全速前進，我地係對面海出發.........
電話教first aid，真係哂氣，control仲有時間教？D call係咁打入黎，教鬼教馬，我地連Pts 情況係點都唔知，control只係俾個電話號碼我地去contact 報案人了解情況，什至乎係我地教報案人點樣去處理住先。
小小姑娘 2009-07-04 12:06
我都覺... 遲吓只會越o黎越多"最緊急"個案囉....
d pt relative 好勁.... 試過有 pt c/o abd pain, 俾o左張休息, cat o左 3, 都已經係快隊啦, 咁快隊都會有人的嘛... 等o左無耐... relative 就走過o黎... 話"病人暈o左呀".... 點知... 一埋到去... pt... 只不過係... 痛到唔想答人o野囉... 講真, 我o地都已經 cat 3, all vital sign 一切十分 normal, 好難話... 再 upgrade 嘛, 但... relative 永遠想自己d 親友可以第一時間有醫生睇....
亦有試過, 被 triage 同事triage 為 cat 4 的人... 拎張紙入o黎講數... 話佢唔應該係 cat 4, 而應該 cat 3... 因為cat 4 要等好耐....
"佢就快唔得喇, 你o地快d o黎啦" 之後收線... 咁... 唔知係唔係又要 9 分鐘到場呢?? 可能... 呢位 pt 只不過係 mild abd pain, 但... pain tolerance 好低....少少 切傷... 都可能會話" 流好多血呀!!"
所以... d 人 call 得救護車, 就會覺得自己"唔應該"等咁耐.... 應該最快果條隊.... 如果... 個個都加句 "心口痛, 好辛苦" .... 我諗... 個個都要 9分鐘到場!!!
但無可否認, 對於D cardiac arrest, fell from height, trauma 果d case o黎講, 係好的, 可以快d 有救護車到場, 但...一定要係其他人無 abuse 個新機制囉!!
BeBu師兄2009-07-06 12:11
好多人都係咁，想快，但又唔諗下自己用緊私家定公家服務，緊急定非緊急。總知自己就係最急！
消防處都講到明，無把握個案，一律當1級，9分鐘內到。
Emma 的 cha cha 2009-07-04 10:22
我都覺得.. 到時ｄ人一定係咪都話自己就黎死左先．．
十二分鐘變９分鐘.. 但去到可能係第三級..
你地又趕到死咁.. 到時都唔知好嬲定好笑..
我覺得分級唔係唔好.. 不過市民既配合同自己既良知都好緊要囉..
BeBu師兄2009-07-06 12:08
Ken CCK 2009-07-04 02:49
BeBu師兄2009-07-06 12:06