BeBu...BeBu...BeBu.....

BeBu師兄與BeBu車一起同行, 隨著警號聲出勤, 見証不同的人, 不一樣的事, 不公平的對待....

有緊急需要請坐bebu車去醫院，非緊急請坐的士，以支持慘淡的士行業！

留言

網誌清單

編輯關閉

引用檢舉

唔舒服....

網誌分類：BeBu歷險記 |

網誌日期：2009-02-20 00:14

          今日返中更，開工時間為11點正，一開工，三位救護員就上車check 呢樣check果樣，睇下我有無唔妥，再check下車上裝備齊唔齊。

           好啦....正式on run.......好快趣就登登...登登登......緊急救護服務.....心臟病....地點xxx，地區代號xxx，時間xxx，收到請按回答掣。

           浩浩蕩蕩出發，阿bit(司機)駕駛住我，劈住咁去，係咁爬頭，衝呀......今日啲車都幾好，好多都會讓路俾我地過。到達目的地啦，見到消防員已經到左場啦。因為我地來自遠方，唯有叫消防到先，呢啲情況見慣不怪。睇下個傷者，話心口痛。主管噴完TNG後，情況有所改善，另一位隨員就按主管指示，檢查下傷者既維生指數，而阿bit(我主人)就準備開車，三兄弟合作無間，其實仲要加埋我bebu車先算，我功勞仲大.....

話咁快任務又完成。阿bit同我又一齊駛回去救護站stand by 過。唔夠幾分鐘，又登登...登登登啦。好啦，如是者，三兄弟同我又一齊出發。點知呢個時候，我覺得有啲天旋地轉，成身都好熱，個頭仲出埋煙，跟住我又嘔，嘔左好多水出黎。阿bit同主管即時落車睇下我，佢地都好驚訝，怕我自焚。其實我燒著唔緊要，我怕傷害到佢地3兄弟，特別係阿bit。佢打開我既頭盔，聽到佢地講我原來個水箱穿左，降唔到溫，太熱。之後佢地將我駛去機電工程署到醫。而佢地3兄弟就趁呢個時間去食lunch，我就係到接受手術。

醫完出返黎又再stand by過，無幾耐做左一轉轉院(第一優先接送)，完成後佢地諗住去一間餐店到買tea食，阿bit將我停係路邊，隨員就落車買3個人既tea。呢個時候我無野做就聽下主管同阿bit係到傾計。當我聽到好專注既時候，突然間有個路人甲同阿bit講野，指住我個頭，阿bit又落車打開我既頭盔，原來我又再一次出煙，睇黎個手術又失敗，啲線又爆左，個傷口又打返開。阿bit又再次將我駛去機電署到醫，但係今次我要留醫啦，有一排都唔可以同阿bit一齊搏殺過啦，之後阿bit轉用左第2架bebu車再次stand by過；而我就只可以lonely地係到過夜。

我想快啲出院呀！

引用(0)

知多一點：

共5個回應

私人回應檢舉

這是私人回應

檢舉

這是私人回覆
私人回應檢舉

這是私人回應

檢舉

這是私人回覆
檢舉
Tsz 梓 zsT 2009-03-02 00:10

病左都仲要做~~~~唉~你簡直係"長期病患者"~~~

檢舉
BeBu車2009-03-09 11:45

同啲婆仔差唔多....
檢舉
karenleung 2009-02-20 21:56

嘩, bebu車, 你一日內連續兩次出煙, 好危險喎... 既然入左醫院, 好好休息下, 出院再搏殺過啦~

係呀, 你bebu車真係功勞最大架, 因為如果bebu車行唔到, 都幫唔到人啦~

係喎, 你驚唔驚你既好拍擋唔要你同第二架bebu車合作呀? 哈哈~

檢舉
BeBu車2009-03-09 11:45

都危險架....不過我都習慣左羅.....
我都擔心佢唔要我架....不過就咁睇又唔會既...因為佢都幾專一....
私人回應檢舉

這是私人回應

檢舉

這是私人回覆

新增回應

什麼call? (一)

網誌分類：認識救護 |

網誌日期：2009-02-12 22:38

之前篇blog講到救護case一日係過2千單，今次就講下點解會有咁多case，大部份係咩人叫我bebu車啦。大約可以分為機構同埋個別市民叫車。機構類別之中叫車叫得最多既一定係醫院。唔講唔知，原來...

回應(6) | 引用(0)
好累....call真多........

網誌分類：認識救護 |

網誌日期：2009-02-07 15:37

呢排我好累，日行夜行，無咩時間休息。主人都係，聽佢講返到屋企又無咩訓覺，點會頂得順架，唔通真係同我一樣係機器咩？呢排多左好多賣血車幫手，賣血呢兩個字意思唔係真係拎啲血出黎賣，係...

回應(7) | 引用(0)
救護架構篇

網誌分類：認識救護 |

網誌日期：2009-01-29 16:28

如果大家有細心睇既話，都會見到我bebu車車身係有印上消防處救護車既字眼。雖然我bebu車同各位救護員都唔鍾意呢個老細，但目前為止都係俾佢head住，所以都無計，暫時認住先。其實聽返啲老beb...

回應(2) | 引用(0)
救護員遊行爭取脫離消防

網誌分類：認識救護 |

網誌日期：2009-01-21 14:44

2009-01-20 救護車故障頻生，前線救護員不滿消防處從未正視問題，昨借立法會討論職系架構檢討，三百名休班救護員身穿黑衣到場抗議，並遊行至政府總部，代表威脅發起工業行動，要求局方正...

回應(6) | 引用(0)