行山記

昨日我bebu同3位救護員收到一轉call－－－攀山拯救。咁我地就出發去現場會合埋消防警察一齊行上去。

途中我見救護車主管向控制中心問及行山人士係咩情況，原來佢地只係迷途。我bebu車又會問點解迷途無人受傷都要救護員一齊行上去？聽救護員佢地私底下講，呢啲就係叫做指引(好似明愛咁盲目跟從指引)，原來所有攀山拯救無論係咩情況都要叫埋救護員上去，行到上山，跟住又行返落黎。由頭到尾都無人受傷，只係可能係做左迷途小羔羊，或者想有人陪佢地行，或者係天開始黑唔敢行等等................

不過好彩我呢架bebu車只係係山腳等佢地，因為我都去唔到山上，但就難為左果啲救護員，遲左成兩三個鐘頭收工，而且佢地都工作左成日，就收工果時先黎一單行山。見佢地3個救護員行完山落返黎，一上bebu車就第一時間打電話返屋企，呢個話今晚陪唔到老婆阿女食飯；呢個又話今晚好夜先返黎，你訓先，唔駛等我。我見到此情此景，真係有啲唏噓。

最後我bebu車係到希望香港唔好再咁自私，要量力而為，行山要有充足準備，因為不自量力，最後係好多人係背後為你付出，同埋唔好成班人好似旅行咁，又影相，又嘻嘻哈哈，完全當我地既拯救人員係陪玩咁既心態。試想下，如果你唔係生活係香港之下，而係第2個國家，會唔會有救護，消防，警察，民安隊，直昇機一齊去搵你地？香港付出既資源係好多。如果你地係為人著想既，唔好樣樣野都覺得好似應份咁。動用咁大派人力物力，如果另外一邊有人好緊急咁等待我地既救援，咁樣就會有個好大既對比，一邊人就嘻嘻哈哈；另一邊既人則絕望地等待救護車...........................