開心既生日派對

11月15日係我既生日，上兩年既生日過得都唔太開心，所以今年決定要同好多人慶祝補返數呀！

 

今年日子安排得好好，12-13係陸運會，14號老公生日就放假啦~哈哈！跟住星期六就係我既生日，大家一定得閒啦！本來都無諗過會同家人慶祝，因為大家既返工時間實在太唔夾啦，點知媽咪打比我話，佢地係我生日果日會全家返鄉下，所以果日大家都請左假，下午可以同我慶祝。於是我同老公就下午返左娘家，先係去茶樓飲茶，真係好耐無飲過茶啦，蝦餃同燒賣特別好味呀！然後返上家執下冬天衫，就開四方城打左一陣，再食埋生日蛋糕。

 

開生日會最開心既係我姪女，個傻妹人仔細細，鬼咁精靈，聽到人唱生日歌勁開心，拍晒手掌咁，真係好攪笑！人細鬼大既佢仲好識扮野，老公鬧佢做錯事，仲要谷眼淚谷到面都紅晒，搏同情添呀！幾古或呀！

 

第一場回家飲茶打牌吃蛋糕︰
http://s237.photobucket.com/albums/ff177/westiegroup/151108a/?start=all

 

然後夜晚約左成班豬朋狗友去唱k buffet，因為下午實在食得太飽啦！攪到我都食唔到乜咁制，但有得玩，又成班朋友陪我，梗係開心啦！連老公都特別興奮添呀~~哈哈！不過大家都真係飲得太多啦，下次要睇住呢飲，健康緊要o的。大肚婆都係太夜唔好呀，老公都好乖咁陪左我返家，再玩下場就真係太過份啦~~

第二場唱k Buffet︰
http://s237.photobucket.com/albums/ff177/westiegroup/151108b/?start=all