想再開Blog

今日真係好想好想重新開blog, 依個blog, 真係大大話話都年幾兩年無理啦, 真係無發霉都要感謝主呀!

其實之前唔再寫blog係因為一o黎自己個人無內涵無料到, 二來文筆又差, 睇左人地咁多好blog, 就真係更無膽寫落去. 但, 最近又發現blog....其實係一個好好o既溝通同抒發o既渠道, 所以又再執"keyboard".  有緣經過o既朋友, 請勿見笑, 未有緣經過o既朋友, 日後總會有緣

o岩o岩尋晚同親愛o既老豆, 媽咪同阿仔遊日返港, 稍後就整篇旅遊記趣, 但對我老豆同媽咪o黎講, 可能係旅遊唏噓, 因為佢地今朝零晨一落機, 返到屋企己經零晨2點, 3點先有得訓, 到6:30又要起身出發去另一個三日旅遊, 所以我真係好感激佢地肯陪我去日本, 無佢地, 今次根本唔能夠成行. 

我份人口衰衰, 態度又差, 經常都會同雙親硬碰, 我o既態度可能會令整個旅程有唔少瑕疵, 但其實每次我都會後悔, 會怪責自己點解唔凡事忍一忍, 心平氣和d, 但無法, 天生一副臭脾氣, 但講到底, 我諗係天上面o既主耶穌會睇得最清楚(我雖然未受浸, 但我偶有祈禱, 都係懶得滯), 我其實係好緊張好愛我老豆同媽咪.

同我阿哥相比, 我地係兩個極端, 佢份人咩都無所謂 (定係叫做懶呢), 絕唔同人斤斤計較, 係依度都借個機會向我阿哥致敬, 真係好欣賞佢份人大大方方(尤其是生日封利是比我果陣)咩都無所謂, 所以相識滿天下, 當然, 對我老豆同媽咪就更加要大大聲聲講句感激. 無佢地o既"縱容", 好多o野都唔會成事, 就好似今次去日本咁, 匆匆忙忙佢地都肯同我癲, 重出埋錢, 你話呀, 咁o既父母, 去邊度再可以搵到呀.  我要好似柏芝向霆鋒發表愛的宣言咁, 佢就話無可能搵到一個再好o既老公, 我要講 "我無可能搵到一對再好o既父母".  諗諗o下, 佢地容許佢地o既下一代甚至再下一代(即係佢地個孫, 我個仔)放縱, 可想言知, 佢地後生時都.........................................