老豆, 您好o野!

今日又係一年一度O既父親節, 我要照顧兩個父親, 一個係我老豆, 一個係我個仔個老豆, 簡簡單單今晚就同佢地去左"榮川"食日本O野, 食物事少, 最重要係想向老豆表示敬意.

敬公公一杯先Happy 公公's day

老豆自從2006年頭退左休之後, 真係重辛苦過之前做打工仔O既日子, 真係日曬兩淋開OT都無咁辛苦呀! 話說回頭, 我個仔真係好幸運, 我座完月要再上征途--->返工 (實情座月時係好期待返工果一日架, 因為座月果時其實真係好辛苦好困身), 剛好我老豆就退休啦, 我老豆依3年幾個肚腩都真係細左, 對眼又dup左, 雖則有個賓妹幫手睇頭睇尾, 但佢就真係只係睇頭睇尾架咋, 所以成個擔子都係落係我老豆身上.  到假期我先至接返阿仔, 等老豆可以去打下麻雀仔, 所以我係好明白湊仔果種苦況.

幸得我老豆真係好鍚我個仔, 佢個孫, 所以我真係可以好安心咁出外"拼搏", 全無後顧之憂.

係育兒方法度, 我地兩父女總唔會意見完全一致架啦, 無話邊個o岩o既, 年代唔同, 想法總有d唔同, 所以我開始學會感激老豆, 當然有時都口衰衰駁兩句咀認下叻咁, 但問到我心底最深深深處, 查實我係好多謝我老豆肯幫我湊仔.

老豆, 您係男人, 又係龍的傳人--->即係中國人, 如果我3口6面同你講句我愛您, 我都驚您面紅呀, 所以就係度憑Blog寄意啦, 老豆, 您o既好, 您o既辛苦我係體察到架, 真係好感激您