對cocoon好失望, 好彩有Peony!!

等咗個半月差唔多等到有鞋拎, cocoon個職員打電話黎話對鞋收到但有d問題要fix,問我可唔可以等多半個月,我果時諗既然你話有問題,ok,而且等多半個月我仲可以, 於是我話ok, 佢話15號可以拎. 收咗線我諗咗陣,其實佢應該係將我對鞋賣比人, 可能因為有人急要
到咗10號度我打電話去confirm一下,職員回答很有趣,個designer放緊假,跟你果位sale已經無做, 所以唔知幾時有得拎. 吓? 咩話?咁得意? 關designer咩事? 個sales無做難道你哋唔開門做生意? 交涉完一輪, 佢話過兩日覆我, 最後我話如果15號無鞋拎,麻煩你哋退返訂比我, 之後佢覆返我話15號拎得, 我自己心裡面都覺得咁快? 又話無又突然間可以拎? 到咗果日我去拎鞋, 好失望!!真的好失望!!! 佢竟然比對舊鞋我, 鞋踭位好明顯係花既, 我朋友亦都話對鞋底有d黑咗似係著過, 而且水晶亦唔係好閃 (因為本身對鞋係成對水晶來的), 於是我同佢sales講, 佢第一個反應係咁要再做過要一個半月, 我話一個半月我等唔切喎, 佢話咁你一係要咗哩對, 離譜!最後我當然唔肯要對鞋, 佢話今日星期六厰放假, 要等星期一先可以有答覆可以點做.
等到星期一, 收到佢電話, 佢話半個月做返對鞋比我, 但係我已經失去晒信心, 最後我要求退訂, 雖然成功咁拎返d訂金, 但我真的很不開心, 我覺得佢哋亳無專業操手. 我比$3000買一對鞋, 竟然比對著過既鞋我實在很過份, 擺明係敷衍我.如果哩個對係$300我覺得ok囉!
於是乎就出去搵其他鞋, 因為都要去台灣影相, 都要有對鞋, 老北太話peony有鞋, 咁我就諗上去睇下, 點知我喺peony見到一對一模一樣, 價錢比佢平$1000!! 而且即刻有size! 仲有2吋或3吋比我揀! 結果証明唔係貴野一定好!
其實我去訂鞋既時候有睇過佢d褂,我都覺得好靚, 雖然我已經訂咗第二間,但都有諗過係佢果度訂, 但係佢哩d服務態度真係無可能再要我比錢佢哋.
雖然錢係拎得返, 但果兩三日既不開心點都賠唔返! 結婚係開心既事, 比佢咁樣搞一搞真係咩mood都無晒!