酒席 (一)

到依家只係睇咗三間酒樓.最滿意都係彩晶軒,夠晒新,因為今年6月4日先開張,而且個場又無柱,雖然係長d, 不過個新娘房已經殺晒, 好大又好靚     不過出年12月既星期六6號同27已經full了, 13同20都已經有人book咗.08年既11月同09年一月既星期六都full晒...所以已經無乜望..

我地去左時代鴻星,係門口個知客應該係負責趕客既,我地問佢攞catalog,佢烏低身攞然後就掉係枱上面,老細雙眼當時一瞪, 跟住仲要我地等, 老細話聽到我地攞四十幾圍仲唔拿拿聲招呼,入到去個侍應又解釋得一d都唔pro,個場又騎哩,可以收工.

 跟住去咗合和皇廷,個場夠晒大&grant,不過就殘d, 老細仲話有K味tim, 不過話比好多優惠我地,老細就話咁樣仲驚.之後再去咗奧海城聯邦,個場大就大,不過大得濟,要50圍先可以包入面兩個場, 如果唔係就會係場後面開條走廊比晚飯客走來走去…咁得意?!  同埋個新娘房都好細下… 有四個但真係唔知要黎做乜好…. 大果個都係大得果少少…

似乎有d難度, 依家已經整咗個list, 黎緊會同老細續一擊破, 希望會搵到一個好場