超平$35剪髮

2009年5月16日，帶蕎蕎剪番個平、靚、正嘅髮型！

最近蕎蕎d頭髮長得好快，開始遮住對眼喇！

咁啱我地行過一個商場，見到一間髮型屋新張酬賓，

小童剪髮只需$35！而且蕎蕎亦首肯左，於是。。。

入到去，頭都唔使洗，就即刻可以開始剪喇！



蕎蕎一向都比較定性，所以佢都乖乖坐定定好合作！

眼見個髮型師手起刀落，三兩下手腳，15分鐘就搞掂！

35蚊，剪15分鐘，整整齊齊，斯斯文文。。。仲想點？

難得蕎蕎自己都相當滿意呢個新髮型！

一個字。。。抵！


..........................................................




呢度麻雀雖小，但五臟俱全！



蕎蕎好乖咁坐定定俾髮型師叔叔剪頭髮！



髮型師叔叔亦好用心咁幫蕎蕎整靚個頭！



眼見d頭髮不斷落下。。。



其實蕎蕎都有啲緊張架！



剪剪下，佢仲要拖實我隻手添！



嘩！話咁快個雛型就形成左喇！



剪番薄少少就差唔多喇！



開始剪前面嘅留海！



蕎蕎好醒目咁瞌埋雙眼！



剪完後，叔叔拎左條喉出黎，吸走蕎蕎身上嘅頭髮碎！



Wow~ 搞掂喇！



嘩！都真係剪左唔少喎！



剪完髮後，蕎蕎第一時間問下妹妹認唔認得佢？



大家覺得蕎蕎呢個新髮型點呢？