言言@8個月

2009年5月9日，言言8個月大喇！

嘩~ 言言又8個月人仔喇！

眼見你由一粒小豆丁，變到而家好似個小波仔咁，

感覺真係好奇妙，好得意，好想時間停留，

但又好想你健健康康，快高長大，相當矛盾呢！

8個月大嘅言言，依然係咁鍾意笑，依然係咁鍾意食！

而家見佢可以「站穩陣腳」，企得穩陣左好多！

而且，仲開始玩認人添！見到唔多熟悉嘅面孔，

有時都會扁晒咀，好似好淒涼咁，要搵番爸爸！



呢日我地就去左嫲嫲屋企，探下嫲嫲，探下姑姐，

探下貓貓，探下。。。蕎蕎久遺左嘅玩具同單車！


..........................................................



8個月大，圓碌碌嘅言言，真係好似個「8」字咁！



突然發drama癮嘅蕎蕎，又扮驚我地拎左佢碗西瓜！



言言好鍾意食野，尤其是BB餅仔！



開始有「虎背」同埋「熊腰」！



兩姊妹蹺住手仔排排坐！



原來係搞肥爸部舊相機！



言言仍舊愛笑、笑、笑！



而家坐得相當穩陣，擔天望地都無有怕！



蕎蕎而家成日唔肯影相，呢日自己玩換衫紙牌公主，自得其樂！



再踩埋部「私人坐駕」，一於話之你！



嫲嫲攬實言言，兩嫲孫合照！



言言開始扭計，要搵肥爸！



工人姐姐Anna好鍾意小朋友同BB！



慶幸言言對佢都唔抗拒！



終於留下一粒大眼淚。。。



之後仲一「鸜」眼淚，好淒涼咁！



呢兩件Twins衫係契媽畫俾佢地嘅，精髓在於背後。。。



只要行埋一齊就會見到佢地個英文名，但佢地太立體，始終拼唔埋！