中醫+美食+wanted

琴晚去上環睇中醫, (醫生一時係上環一係係佐敦..乜依家d醫生甘中意四圍走?)
其實我又無乜病, 不過都覺得係時候調理下, 加上男友仲話我做乜快面甘黃, 要搞搞佢la!

行左九曲十三彎之後終於都到左. neil睇左成半個鐘之後先到我. 佢問我睇咩. 我話 "成日訓得唔好, 腸胃唔好, 冬天成日感冒"
佢反問番我 "你係唔係好怕凍??"        "係阿"
"依個天氣係係唔係唔洗開冷氣?" (佢好似呆左)      "係阿"(什麼嘛...我都覺得有d熱,不過真係唔洗開..我環保!)
"你係唔係好易攰?"                               "梗係la, 我訓得唔好阿ma"
"你要訓幾耐先訓得著?"                       "典幾個鐘囉"
.
.
.
一邊寫佢就係甘寫寫寫..
之後又等左半個鐘先拎到藥
等等下neil家姐都黎埋, 原來2個都係某大fashion雜誌的編輯!


依d就係藥...用粉開水, 開左14包藥
如果問我自己煲既中藥難飲d定粉沖難飲, 我可以答你, 兩樣都好難飲.

睇完醫生就去醫肚, 近近地去左上環街市食.
上到去..乜覺得甘熟口面??? 原來suann之前介紹過好好食既潮州大排檔!!
我地order左兩食送一麵一湯, 真係十分十分之好食!!!!!!!!!!>0<
個燒汁牛柳正!! 個蒜粒白菜正正正!黃金伊麵係我想係依間野食既原來~
不過我地食唔晒, 打包番家...不過即比阿妹食晒..勁
===============================================

wanted只能說睇特技同Angelina Jolie值回票價..
因裡面太多好痴線既野
一開場掛住同阿嫂傾偈, 睇唔到畫頭...唔知佢最初個幾隻字up乜.
之後問番男友知唔知點解要搞個殺手組織出黎...
佢答我 "因為人地唔買佢地d頸巾!"
睇到男主角成日比個女上司鬧, 某程度我覺得都幾抵死, 邊個請你番黎上網同hea, 有野唔去做抵鬧.

睇完成套野..
雄哥話 "套戲痴x線! 最痴x線係火車頂個度, 仲玩誇欄, 劉翔都做唔到la"
男友話 "我睇到好頭暈!"
我話 "點解最尾粒字彈唔轉多幾個圈? 又甘0岩停係angelina度就停左? 唔通佢chalk左個美妙西?"
好多謎!!依個又係謎個個又係謎!
================================================

睇某blog見到一個十分十分幸福既少婦, 問佢同老公既相處之道..
佢答我 "我既心得就係各人都做好自己本份, 唔好要求對方, 只要求自己"
唔唔..