噚日星期六約咗J君屋企人飲茶，十點零衝上邨巴後見到位朋友，其實應該叫“同病相憐既志同道合“，佢亦係Healing Hands Spa既苦主之一，第一次見佢係一齊搭車去小額。同一個屋苑已經有兩個Healing Hands S苦主，可想而知佢呃咗幾多人既錢﹗
我相信仲有好多member係寧願少一事好過多一事，揀唔出聲，但我哋呢班企咗出來既苦主一定會繼續全力追討，唔會輕易放過佢﹗(次次提起Healing Hands就無名火起
)
飲完茶原定計劃係出尖沙咀睇Ribbon print同去Anovia放低第二次排板既資料(我終於喺星期五一口氣睇晒個排板兼寫晒要改既資料
)，點知間Ri
bbon公司個老闆喺大陸，所以cancel咗無出去
。
之後J君去飛髮，我就同J君家姐返屋企睇婚禮小禮物啲嘢，先前睇過家姐整既秥土猫猫好得意，有唔同既形態，J君大讚話可以做小禮物
。我唔係話猫猫唔靚，只係覺得好似同我哋無咩關係，又唔係特別鍾意猫，但上去睇下猫猫既真面貌亦無壞。 我有唸過自己郁手整，當係小小心意送返比賓客，但又有啲擔心整唔切
。 家姐示範一隻，我試整咗一隻(雖然唔係好靚
)，照拎比J君過目，點知見到實物時佢同佢哥哥同一時間話無咩特別，好似無咩意思.....
跟住又話不如整返姆明，起埋有少少關連(我哋結婚公仔係用姆明＆哥妮
)
我真係比佢激死
，當初佢話用猫猫時我已經提議不如整姆明&哥妮，但佢話好似翻板咁，而家又話改返用姆明﹖最後都係唸住做一對出來望望再作決定，如果都係麻麻，可能會用零食代替。
下晏再陪J君爸爸去睇牙醫，一早知佢老人家啲人唔係咁好，有啲無咗有啲爛，但無唸過佢竟然走去睇醫生要整返好副牙，仲要趕12月整好tim。好耐以前有問過佢要唔要整，佢二話不說話唔駛，因為最重要既門牙同大牙無事﹗
但呢日見佢塊面近口角位置瘀咗一大塊(有啲赫一跳，以為佢跌親
)原來牙醫已經幫佢拔咗一次，可能佢想牙肉快啲生番好，用熱水敷，搞到血液循環太快瘀血滲出面，而且止痛藥又令到佢敏感。呢日佢約咗拔第二次，於是專登陪佢一齊去聽下醫生點講。
J君陪佢入去見醫生，佢話個醫生都幾老實，將所有嘢解釋一次，仲叫佢爸爸千其唔好再用熱水敷，老人家牙肉無咁快生番好，要比啲耐性，趕唔趕的切12仲未知，因為分批拔晒啲爛牙，仲要等啲傷口好番，做好牙套亦要慢慢試。
其實拔牙真係好痛
，雖然有打麻醉針，但麻藥過後嗰個位仍然會好酸痛，果種痛係無論你做咩都分心唔到，仲要痛足幾日，佢老人家仲要每一星期拔牙兩隻，直到拔晒爛嗰啲為止，你話唔痛唔辛苦就假，今次佢真係付出好多，唔真係咩原因令佢改變初衷呢 ﹖﹗
J君啲牙都唔係好好，唔係好整齊之餘仲有隻爛牙幾年佢都唔肯去整，個窿應該已經深到底，佢曾經問過洗牙醫生，整一隻要過萬
，所以一直hold住唔整。
加上佢夜晚刷牙係又時用時唔用牙線，咁點會改善呀﹖我又一 次力勸佢整，因為一直拖落下只會愈來愈貴，愈來愈麻煩，愈來愈手尾長。而且始終都係預防勝於治療，日常刷牙用埋牙線，咁先至夠穩陣。
牙齒跟你一世，唔好好保護佢即係揾自己笨﹗
IMG_3447.JPG
IMG_3443.JPG
IMG_3433.JPG
