星期一...怪事連連

星期去左由Mr.A主辦

風車草之友恊辨嘅Mega Boat Trip

於是一連串怪事就陸續發生

首先係呢排網路時有時斷,睇唔到上船位置地圖

又俾司機叔叔老點,行左一個香港仔海濱公園咁長嘅路程至去到上船碼頭

跟手一上船就落雨,點知船長帶我地去左一個唔知叫乜野灘?!

冇雨落不特止,仲有多到你唔信嘅海膽同生蠔

當我用相機影左一張之際......冇電?!

冇理由架?!我尋晚至充電....個刻至醒起义左果舊仲係個义機度!!!

咁咪即係?!.....

話明自備食物,咁我咪買左幾個三文治去

又點知原來佢地D食物都係自家製

仲要好食到不得了;果刻真係慚愧.....: (-

不過厚顏無恥嘅我緊係食埋一份啦.....: )-

點解佢地整野都咁好食嘅,睇黎我都要開始學下至得La

跟住佢地係船頂跳水,我有一下衝動都想試下!!!

最尾緊係.....唉!老La....都係等再老D先試

正當大家作午間小睡之際

無端端有架水警快艇駛埋黎問我地野,表情嚴肅

但當我地話佢地裝束好型好得!因為佢地著到好似防暴部隊咁!!!

佢突然同我地笑不特止,仲俾埋V字手?!?!

到大家沖晒身走嘅時候,嘩!!!

落大雨?!

你話奇唔奇?!