事後感想，化療既副作用唔一定係好壞　唔好（以鵝傳鵝）

尋日有政府既調查人員既做問卷　佢問我有咩工作時　我都唔知點答佢　＠＠就同佢直說　我化療緊無做野　佢好奇怪咁問我　你咁精神都唔似喎　我仲同佢講笑：係啦　邊有人化療化到我咁肥架　呵呵　咁講開原來佢都有同事有肺癌　第４期　佢同事唔想化療　因為怕化療好辛苦　反正都係要去唔想去得咁辛苦　我好明佢講咩　我回想當初我都聽到好多唔好既副面野　又話好辛苦　好嘔　雖然只係化幾個月又或者半年　半年都好似渡日如年　無錯　我相信　有時心理上既痛苦比生理上更慘　都未試過就已經輸左一半　成日都聽人講化療係好慘既事　ｅ家既藥已經比以前好左好多架喇　唔好再比以前既副面影響左你　

我可以以過來人同你地講　我可以講一句　如果你怕脫髮：你以為以後唔會出番咩　ｅ個唔係你唔化療借口　嘔．．係好痛苦．好唔舒服　但係都要接受　如果你唔同佢做朋友　你好憎佢既就會月來月忟日子就月難過　你最多同佢做一個半年既朋友囉　之後就一腳伸開佢囉　都無計　事實唔會變　要變既只係自己的想法　唯有阿ｑｄ啦　仲有咩副作用呢？　我個人好快就唔記得唔開心既野　我都唔記得仲有咩係我當初怕既念頭嚕　諗下．．諗下．．我記得既都係嘔到想死　同埋一堆唔好既想法　就好似黑洞咁　你唔知個洞有幾深　有幾辛苦　即使人地同你講　有幾辛苦　可能到你去感受又有不一樣　好似我咁　我就無試過有嘔既情況　所以囉　唔好（以鵝傳鵝）幻想無限大　你唔敢去接受既你就連生存既機會無埋　我唔係話化療一定可以改善你個病　但係　你連試都唔試的話　咁．．就好浪費你生存既機會　

ｅｄ病其實都好須要身邊有人支持比如家人　特別係你唔舒服都有人比啖水你飲　有時病到真係唔想郁　我試過病到飲哂屋企ｄ水連水都無精神去煲既時候　至少都要有人邦你買水飲掛　

化療打點滴既既時候　多ｄ同你身邊既病友互相問候　好彩我識到ｅｓｔｈｅｒ　我同佢大家都同病相連　有時互相鼓勵，問候　都幾窩心　有時候你既家人唔明白你既痛苦因為佢都未試過又或者唔明白　至少你都可以同佢地傾下　交換一下心得都好　心得＜－好似好開心既形容　我意思係比如：化療時就要小心保護你既皮膚　唔好比佢曬黑　因為護士會搵唔到血管架　＞＜”　明未？？好喇　我都唔記得仲有咩心得喇　下回分解啦