受傷的日字(2)

返到屋企即刻搵番晒d 藥膏, 冰袋.跌打酒出泥,情況好似好左D, 都行到,不過隻腳就提唔起,又曲唔到.咁都係疊埋心水,聽朝睇醫生算.
當晚訓覺得訓得唔係咁好 ,好辛苦先捱到天光,我老豆入房叫我起身,我就同佢講叫佢拎個冰袋我,佢一睇我隻腳嘩左一聲,原來腫晒..
"死緊了..死緊了" 我諗...
即刻起身換衫出發睇醫生, 頂,著褲都著唔到. 因為隻腳完全提唔起,要用9牛2虎之力先著到(我有計過,用左3分鐘!).去到診所,等.等..等
等左成個鐘,終於到我,醫生就問我咩事,又點跌.等等普通問題. 咁佢見到我個膝頭就話
"依d 係水腫,一定要抽出泥"
"好,無問題"我話. 咁當然想快d 無事啦.
"你照完x光先." (依個係一定要做,我每次睇新症都一定要照..)
又等.等.等.
照完睇片,醫生話d 骨無事, 可能係扭傷.不過就最好照磁力共振(MRI) . 不過價錢好貴,成4100HKD,咁我都無所謂,因為有保險cover.
不過佢就叫我問一問我個agent confirm 下先.下次再覆佢.依家抽左水先
"你放鬆" 醫生準備吉針.
"弊!" 出至佢把口.
當時我個心離晒, 點阿,大哥. 咩事阿. 入錯lone? (wrong hole)
"血來的" 佢話..
"............(頂你,快d 抽啦)"
一抽就抽左2 針筒既血,20cc ,佢話好多.
抽完之後個膝頭就無咁腫.佢就叫我依幾日唔好返工, 每日上來做physio,過幾日再覆診.